Yéqinqi 10 kün ichide Uyghur élining üch nahiyeside oxshimighan derijide yer tewrigen

Muxbirimiz qutlan
2017-01-30
Share

Xitay taratqulirining xewer qilishiche, 1-ayning 20-künidin bügün'giche bolghan 10 kün jeryanida Uyghur aptonom rayonining üch yéride oxshimighan derijide yer tewrigen.

Junggo yer tewreshni közitish istansisining ölchep békitishiche, 20-yanwar ürümchi waqti sa'et 15:54 ötkende, yeken nahiyeside 4.8 Bal yer tewrigen. Tewresh menbesining chongqurluqi 7 kilométir bolghan. Bu qétimliq yer tewreshning küchlük sézimi qeshqer bilen atush sheherliride hemde mekit, maralbéshi, qeshqer yéngisheher, poskam, yopurgha we peyzawat qatarliq nahiyelerdimu körünerlik hés qilin'ghan.

Shuningdin kéyin yene 1-ayning 28-küni etigende kucha nahiyeside 3.0 Bal yer tewrigen bolup, tewresh menbesining chongqurluqi 7 kilométirgha yetken. 1-Ayning 30-küni ürümchi waqti sa'et 8:59 ötkende, xoten wilayitining guma nahiyesidimu 3.1 Bal yer tewrigen bolup, tewresh menbesining chongqurluqi 9 kilométir bolghan.

Hazirgha qeder xitay taratquliri yuqiriqi jaylarda yüz bergen yer tewresh apitide adem ölgenliki yaki ahalilerning mal-mülkige ziyan yetkenliki heqqide héchqandaq xewer bermidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet