Гума наһийисидики 6.5 Бал йәр тәврәштә дәсләпки қәдәмдә 6 адәм өлгәнлики мәлум болди

Мухбиримиз меһрибан
2015-07-03
Share

Хитай мәтбуатлириниң хәвиридин мәлум болушичә 3-июл үрүмчи вақти әтигән саәт 7 дин 7 минут өткәндә хотәнниң гума наһийисидә 6.5 Бал йәр тәвригән. Шинхуа агентлиқиниң хәвиридә хитай йәр тәврәшни көзитиш идарисиниң хәвири нәқил елинип, "3-июл үрүмчи вақти саәт 7 дә хотән вилайити гума наһийисидә 6.5 Бал йәр тәвригән, тәврәш мәнбәсиниң чоңқурлуқи 10 километир" дегән баянлар берилди.

Мәлум болушичә гумида 6.5 Бал йәр тәврәштин кейин йәнә 3 балдин юқири 4.5 Балдин төвән бирқанчә қетимлиқ қалдуқ йәр тәврәш йүз бәргән. Хитайниң шинхуа агентлиқи дәсләпки тәкшүрүштә өй өрүлүш, яриниш әһвалиниң йүз бәргәнликини, 6 адәмниң өлгәнликини елан қилди. Хитай хәвиридә йәнә, йәр тәврәшниң тәсиридә хотән, қәшқәр томур йол бөликидә тәврәш сезими бир қәдәр күчлүк болғанлиқи, қисмән вогзаллардики өй вә әслиһәләр йеник дәриҗидә бузулғанлиқи, һәмдә томур йол қатнишиниң бу районда вақитлиқ тохтитилғанлиқи тилға елинған.

Радиомизға кәлгән инкаслардин гумидики йәр тәврәштә яриланған вә өй-макани талапәткә учриғанларниң зор көпчилики уйғурлар икәнлики мәлум болди. Биз бундин кейинки программилиримизда гумида йүз бәргән йәр тәврәш апити һәққидә йәниму илгириләп мәлумат беришкә тиришимиз.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт