"Yer shari waqti géziti" bash maqale élan qilip amérika metbu'atlirigha hujum qildi

Muxbirimiz irade
2018-12-27
Élxet
Pikir
Share
Print

"Yer shari waqti géziti" xitay kompartiyesining organ géziti bolghan "Xelq géziti" ning xelq'ara neshridur. Mezkur gézit bügün bash maqale élan qilip, xitay hökümitining Uyghur élige qaratqan siyasetlirini pash qilghan amérika metbu'atlirigha hujum qildi.

"Yer shari waqti géziti" bash maqaliside tigh uchini amérika taratqulirigha qaratqan. Yeni amérika taratqulirida élan qiliniwatqan xitayning Uyghur élidiki lagér tüzümini nöwette ningshiya qatarliq tunggan musulmanliri zich olturaqlashqan jaylargha kéngeytiwatqanliqi heqqidiki xewerlerni "Pakitni burmilighan" dep teqit qilghan.

Yéqinda amérikining "Wol-sitrét zhurnili" géziti xitay hökümitining Uyghur diyarida zor küch bilen omumlashturghan teqib sistémisi, tutup turush sistémisi we musulmanlarni assimilyatsiye qilip éritish charilirini nöwette ningshya, gensu qatarliq jaylargha köchürüp omumlashturuwatqanliqini xewer qilghan idi.

Xewerde ningshya, gensu qatarliq ölke we aptonom rayonlardiki saqchilarning Uyghur diyaridiki "Kespiy terbiyelesh mektipi" namidiki lagérlarni we shuningdek "Xelqqe qulayliq saqchi ponkitliri" ni ziyaret qilip tejribe öginiwatqanliqi, buning netijiside ötken ayda chingxeyning golmud shehiride 13 orunda "Xelqqe qulayliq saqchi ponkiti" qurulup ishqa kirishtürülgenlikini bayan qilin'ghan. Bu heqte élan qilin'ghan analiz we mulahizilerde Uyghur élidiki lagérlarning emdilikte tungganlar rayonidimu omumlishishi mumkinliki keng munazire qilin'ghan idi.

Halbuki, "Yershari waqti géziti" ning bash maqaliside xitay hökümitining Uyghur élidiki siyasetlirining "Ajayip danaliqi" kökke kötürülüp, uni bashqa ölkiler, hetta dunyadiki bashqa döletlerningmu ülge élishi kéreklikini ilgiri sürgen, amérika we gherb ellirining metbu'atlirini "Bir tereplimilik bilen xewer tarqatti" dep eyibligen.

Toluq bet