"Yipek yoli iqtisad belwéghi" diki axbaratchilar Uyghur élini ziyaret qilishqa orunlashturulghan

Muxbirimiz irade
2017-04-20
Share

Xـitay hökümitining Uyghur élide yürgüzüwatqan milliy we diniy siyasetliri, bolupmu yéqinda yolgha qoyghan "Esebiylikni cheklesh nizami" gherb döletliride küchlük tenqidleshke uchrawatqan bir mezgilde Uyghur rayon da'iriliri bir qisim metbu'atlarning muxbirlirini Uyghur élige teklip qilip apirip ulargha özlirining siyasetlirini teshwiq qilghan.

Xelq torining peyshenbe künidiki xewiridin qarighanda, Uyghur rayon da'iriliri "Yipek yoli iqtisad belwéghi" boyidiki alaqidar döletlerning taratqu mes'ullirining tetqiq qilish, öginish kursini" tesis qilghan.

Bu kursqa kelgen muxbirlar shinjang muqam ansambili tiyatirxanisi we shinjang islam dini instituti qatarliq orunlarni ziyaret qilghan we shundaqla "Junggoning din siyasiti we shinjangdiki dinlarning hazirqi ehwali" dégen témilarda léksiye anglighan.

Xewerde bu heqte mundaq déyilgen: "Yipek yoli iqtisad belwéghidiki döletlerdin kelgen muxbirlar élimiz we shinjangning diniy zatlarni yétishtürüsh usuli we diniy étiqad erkinliki siyasiti ehwalidin chüshenchige ige boldi."

Xewerde, bu muxbirlarning qaysi döletlerdin kelgenliki éniq tilgha élinmighan.

Xitay hökümiti amérika we bashqa gherb ellirining dangliq axbaratlirining Uyghur élige bérip xewer ishlishini qattiq cheklep, barghanlarnimu teqibge élip, xizmitige tosqunluq qiliwatqanda bundaq bir quruq teshwiqat tüsini alghan kursni teshkillishi diqqet qozghidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet