Türkiyening bir yük ayropilani qirghizistanning manas ayrodromi qéshidiki kentke chüshüp kétip, 37 adem ölgen

Muxbirimiz qutlan
2017.01.16

Bügün, yeni 16-yanwar etigen sa'et 7:30 da türkiyening xongkongdin istanbulgha qarap uchqan bir yük ayropilani qoyuq tuman seweblik qirghizistandiki manas ayrodromi etrapigha chüshüp ketken.

Roytéris agéntliqining bu heqtiki xewirige qarighanda, qoyuq tuman'gha duch kelgen bu yük ayropilani manas ayrodromigha qonushqa mejbur bolghan. Halbuki, mezkur ayropilan manas ayrodromining qonush yoligha emes, belki ayrodromgha qoshna dachisu kentige chüshüp ketken. Qirghizistanning mu'awin bash ministiri muhemmetqali abulghaziyéf bu heqte bayanat bérip, weqe “Uchquchining sewenliki” tüpeyli yüz bergen, dégen.

Qirghizistan hökümet terepning ashkarilishiche, ayropilanning yerge soqulushi tüpeyli kélip chiqqan shiddetlik zerbide dachisu kentidiki 33 neper ahale ölüp, 17 éghiz öy pütünley weyran bolghan. Ayropilandiki 4 neper uchquchining hemmisi ölgen.

Qirghiz taratquliri xewer bérip, qirghizistan prézidénti almazbék atambayéfning xitaygha qilghan sepirini derhal emeldin qaldurup, bishkekke qaytqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.