Үрүмчи 1-авғуст полат төмүр ширкити қармиқидики бир завутта партлаш йүз берип алтә адәм өлди

Мухбиримиз меһрибан
2013-11-12
Share

Хитайниң һөкүмәт мәнбәлиридә партлашниң, 1-авғуст полат-төмүр чәклик мәсулийәт ширкитиниң үрүмчи шәһири мәрһаба шималий 1-йолидики тармақ завутиниң 1-сехида 11-ноябир кечә саәт 11 дин 30 минут өткәндә аммоний суюқлуқиниң партлиши сәвәбидин йүз бәргәнлики, нәқ мәйданда 5 адәм өлүп, 7 адәм еғир яриланғанлиқи, еғир яриланғучи бирәйләнниң дохтурханиға апириш йолида җан өлгәнлики хәвәр қилинди.

Үрүмчидә 11-ноябир кечидә йүз бәргән партлаш йеқинқи икки һәптә ичидә хитайда йүз бәргән партлашлар ичидә адам өлүш вәқәси көрүлгән йәнә бир қетимлиқ чоң партлаш.

Хитай даирилири 28-өктәбир бейҗиңда йүз бәргән 3 адәм өлүп, 38 адәм яриланған аптомобил билән тйәнәнменгә һуҗум қилиш партлаш вәқәсини «террорлуқ вәқәси» дәп бекитип, вәқәдин кейин бейҗиң қатарлиқ хитай өлкә, шәһәрлиридики уйғурларни тутқун қилған.

Әмма 2-ноябир сәнши өлкисиниң тәййүән шәһиридики өлкилик һөкүмәт дәрвазиси қатарлиқ җайларда йүз бәргән 8 қетимлиқ зәнҗирсиман партлашни кәлтүрүп чиқарғучиниң түрмидин қоюп берилгән бир хитай пуқраси икәнликинила елан қилип вәқәниң характерини бекитмигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.