Хитай компартийәсиниң 5-омумий йиғинидин кейин җаң чүншйәнниң уйғур елидин елип кетилидиғанлиқи пәрәз қилинмақта

Мухбиримиз қутлан
2015.10.26
Share on WhatsApp
Share on WhatsApp

Тәйбейдики мәркизий агентлиқниң хәвиригә қариғанда, 26-өктәбир күни хитай компартийәси 18-қурултийиниң 5-омумий йиғини бейҗиңда башланған.

Игилинишичә, мәзкур йиғинда хитай компартийәси сиясий бюроси билән хитай мәркизий һәрбий ишлар комитетиниң даимий һәйәтлири қайтидин тәңшилидикән.

Көзәткүчиләр, нөвәттә уйғур аптоном районлуқ парткомниң секретарлиқ вәзиписини өтәватқан җаң чүншйәнниң мәркәзгә елип кетилидиғанлиқини, униң хитай мәмликәтлик сиясий кеңешниң муавин рәисликигә қоюлуп, иккинчи сәпкә чекиндүрилидиғанлиқини илгири сүрмәктә.

Хәвәрдә дейилишичә, бу йил 53 яшқа киргән ху чүнхуаниң җаң чүншйәнниң орниға уйғур аптоном районлуқ парткомға секретар қилип қоюлуши мумкинкән.

Мәлум болушичә, ху чүнхуа һәрбий саһәдин өстүрүлгән әмәлдар болуп, у һазир хитай компартийәси сиясий бюросиниң әзаси, гуаңдуң өлкилик парткомниң секретарлиқ вәзиписини өтимәктикән. Буниң алдида униң тибәт, ички моңғул қатарлиқ аптоном районларда биринчи қол әмәлдар болғанлиқи мәлум.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.