Tarix we bügün (18‏-mart)

" Tarix we bügün " sehipimizning bu yekshenbilik qismida sabiq sowét ittipaqi ishligen " Ghéni batur" namliq höjjetlik filim heqqidiki tonushturushlirimizning dawamini hemde erkin tarimning doktor alimjan inayet bilen ötküzgen Uyghur tarixi dastani " Oghuzname" we uning tetqiq qilinish mesililirige a'it söhbetni diqqitinglargha sunimiz.
2012-03-18
Élxet
Pikir
Share
Print
Ghéni baturning heykili.
Ghéni baturning heykili.
Rishat ependi teminligen

 Qazaqistan kino studiyisi 1980-yili ishligen  " Ghéni batur"   namliq  ishligen  höjjetlik  filimning sinariyisini  Uyghur yazghuchisi, 1950-yillarda shinjang muzéyi  we penler akadémiyisining ilmiy xadimi bolup ishlep,  kéyin sowét ittipaqigha köchüp ketken  shuningdek 1970-yillarda  qazaqistan penler akadémiyisining tilshunasliq tetqiqat instituti qarmiqidiki  Uyghurshunasliq bölümide xizmet qilghan yüsüpbeg muxlisof   hemde sénarist  i. Maliyar birliship yazghan.  Filimge "Qazaqfilim"  studiyisining ataqliq rézhssorliridin  e. Fayuk rézhissorluq qilghan. Filimning opératorluqini rus opératori  r. Chikayéw, tehrirlikini yu. Réznikow qilghan.  Filimning meslihetchilik wezipisini qazaqistan penler akadémiyisining Uyghurshunasliq bölümining ilmiy xadimi,  Uyghur tarixchisi gégél is'haqof atqurghan. Filimni ishlesh qoshunining millet terkibi her xil bolup, buninggha  Uyghur, rus, qazaq we bashqa millet  kino xadimliri qatniship ortaq tirishchanliqini körsetken.

Toluq bet