Aqsu sheher qumbash yéza topaqaral kent mes'ulliri belgilimige qarimay qanunsiz jerimane qoyghan

Ötken ay ijtima'iy taratqularda xitayning yéngi nopusqa élish siyasitining özgergenliki, artuq tughulghan balilarni nopusqa élishta jerimane qoyulmaydighanliqi toghrisida xewerler tarqalghan idi. Burun 3 balidin artuq bala tughulghanlardin éghir jerimane éliniwatqan bolsimu, lékin ötken aydin tartip tughulup bolghan balilarning eger klénikiliq tughulush ispati bolsa, ata - anisining toy xétini élip saqchixana nopus köznek bir terep qilish ornigha bérip nopusqa aldurush resmiyetlirini béjirse bolidu dep belgilime chiqarghan.

Emma aqsu sheher qumbash yéza topaqaral kent bu qarargha qarimastin artuq tughulghan balilargha éghir jerimane qoyghan. Bir yézidin 80 etrapida a'iledin 5 ming somdin 50 ming somghiche jerimane yighqan.

Biz bu heqte melumat élish üchün aqsu sheher qumbash yéza topaqaral kentning kommunist partiye sékrétari yüsüp memet ependi we jerimane töligen turghunjan tursun ependiler bilen téléfon söhbiti élip barduq.

Turghunjan tursun namliq bir déhqan özining 8000 som jerimane töligenlikini, 80 etrapida a'ilining 5000 somdin 8000 somghiche jerimane töligenlikini éytti.

Yézining mes'uli yüsüp memet ependi pilanliq tughut ishxanisining bésimi bilen xelqtin jerimane pul yighqanliqini, döletning üchtin artuq balilargha jerimane qoyush siyasitining dawamlishiwatqanliqini bayan qildi. Töwende söhbetning tepsilatini anglanglar.