Ақсу айкөлдә вапат болғучиниң мәһбус осман авут әмәс, бимар осман мамут икәнлики ениқланди
2015.11.03
Уйғур академик илһам тохти өмүрлүк қамақ җазасиға һөкүм қилинғандин кейин қамалған үрүмчи шәһәрлик 1-түрмә. 2014-Йили 24-сентәбир, үрүмчи.
Һөрмәтлик радийо аңлиғучилар, шветсийәдики “шәрқи түркистан тәшвиқат мәркизи”ниң тор бетидә ақсу айкөллүк сиясий мәһбус осман авутниң түрмидә вапат болғанлиқи вә җәситиниң 20 - өктәбир күни уруқ - туғқанлириға қайтурулғанлиқи хәвәр қилинған иди. Бу хәвәр мәзкур сиясий мәһбусниң чәтәлдики уруқ - туғқан вә дост - бурадәрлирини қаттиқ қайғуға салған иди. Мухбиримизниң ақсу өйкөлгә қарита елип барған бир қатар телефон зиярәтлири нәтиҗисидә айкөлдә өткән һәптә вапат болғучиниң сиясий мәһбус осман авут әмәс, бәлки узун йиллиқ бимар осман мамут икәнлики ениқланди. Осман авутниң айкөлдики қериндашлириниң пәрәз қилишичә, мәзкур икки шәхсниң исимлириниң вә йешиниң охшаш, фамилисиниң аһаңдаш болуши, униң үстигә һәр иккилисиниң айкөлдики бир кәнт, бир мәһәллидин болуши, тарқалған учурда уқушмаслиққа сәвәб болған болуши мумкин.
Һөрмәтлик радийо аңлиғучилар, игилигән башқа учурлиримиздин, шәрқи түркистан тәшвиқат мәркизиниң хәвиридә тилға елинған сиясий мәһбус осман авутниң сиясий кәчмиши вә тутулуш җәряни һәққидики учурларниң һәммисиниң тоғрилиқи дәлилләнди. Бу һәқтә кейинки программимизда мәлумат аңлайсиләр.
Көп көрүлгән хәвәрләр
RFA
- Уйғур зиялийлири истанбулға җәм болуп, өз миллий тәқдири мәсилилирини муһакимә қилди
- Уйғурларниң нопуси һәққидики әң йеңи китаб
- Долқун әйса б д т кишилик һоқуқ кеңишидин уйғур ирқий қирғинчилиқиға қарита әмәлий һәрикәт қоллинишни тәләп қилди
- Моңғул тәтқиқатчи яң хәййиң :“ хитай һөкүмити йүргүзүватқан миллий ассимилятсийәни хитай пуқралириму астирттин қоллайду”
- Ваң хуниң: “шинҗаңдики мәдәнийәт, маарип вә муқимлиқ сияситини қәтий давамлаштуруш лазим!”