Gérmaniyede barin weqesining 27 yilliqini xatirilesh namayishi élip bérildi

Xitayning myunxéndiki konsulxanisi aldida ötküzülgen barin weqesining 27 yilliqini xatirilesh namayishidin körünüsh. 2017-Yili 5-aprél, gérmaniye.

5-Aprél küni xitayning myunxéndiki konsulxanisi aldida barin weqesining 27 yilliqini xatirilesh namayishi ötküzüldi.

D u q ning teshebbusi, yawropa sherqiy türkistan birliki teshkilatining uyushturushi bilen 5-aprél küni myunxéndiki Uyghur jama'iti xitay konsulxanisi aldigha jem bolup, barin inqilabining 27 yilliqini xatirilesh yüzisidin namayish élip bardi.

Namayish bashlan'ghandin kéyin, aldi bilen d u q bash katipi dolqun eysa ependi barin inqilabining yüz bérish jeryani heqqide etrapliq melumat bérip ötti. U sözide, barin inqilabining sherqiy türkistan milliy azadliq herikitining ilham menbesi bolghanliqini tekitlidi.

Yawropa sherqiy türkistan birliki teshkilatining re'isi turghunjan alawudun hajim namayish jeryanida ziyaritimizni qobul qilghanda, bu qétimqi namayishni uyushturushtiki meqsiti heqqide toxtaldi.

Ilham toxti guruppisining re'isi enwerjan ependimu namayish jeryanida söz élip, barin inqilabining roli toghrisida qarashlirini otturigha qoyup ötti.

Bügünki bu namayish sa'et 16:00-17:30 qeder bir yérim sa'et dawamlashti. Xitay konsulining aldini sho'ar awazliri lerzige saldi. Ayyultuzluq kökbayraqni kötürgen Uyghurlar Uyghurche, gérmanche, xitayche tillarda sho'arlar towlap, özlirining iradisi we teleplirini ipade qilishti.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar