Бүгүрдики зәнҗирсиман партлашниң чоң көләмлик бир исян икәнлики, исянниң қанлиқ бастурулғанлиқи айдиңлашти

Мухбиримиз шөһрәт һошур
2014-09-25
Share
husenjan-osman-saqchi-bugur-partlash-olgen.jpg Бүгүрдики зәнҗирсиман партлаш вәқәсидә өлгән хитай сақчиси һүсәндин осман. (Вақти вә орни ениқ әмәс)
Oqurmen teminligen

Хитай ахбарати, бүгүрдики зәнҗирсиман партлаш вәқәси һәққидә бүгүн иккинчи қетим хәвәр елан қилди. Вәқә һәққидики тунҗи хәвиридә пәқәт икки кишиниң өлгәнликини хәвәр қилған хитай мәтбуати, бүгүнкисидә вәқәдә җәмий 52 кишиниң өлгәнликини ашкарилиди.

Хитай хәвиридә баян қилинишичә, вәқәдә хитай тәрәптин өлгәнләр 10, қарши тәрәптин өлгәнләр 42 нәпәр. Хитайға қарши тәрәптин өлгәнләр саниниң көплүки вә мухбиримиз бүгүрдин биваситә игилигән мәлуматлардин, бүгүрдә 21 ‏-сентәбир йүз бәргән зәнҗирсиман партлашниң хитай һакимийитигә қарши чоң бир исян икәнлики, хитайниң бу исянни қанлиқ шәкилдә бастурғанлиқи айдиңлашти.

Мәлум болушичә, 50 дин артуқ пидаий бүгүрниң үч йеза-базиридики аз дегәндә 7 орунда хитай күчлири вә мәнпәәтлиригә һуҗум елип барған. Әгәр хитай елан қилған санлиқ мәлуматлар тоғра болса, пидаийлар бу қетимқи исянида еғир бәдәл төлигән, әмма бүгүрдики хитай көчмәнлиригә, җүмлидин, хитай даирилири вә сақчиларға қаттиқ вәһимә салған.

Аваз улинишидин мухбиримизниң бу һәқтә тәйярлиған программисини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт