Rabiye qadir xanim yawropa parlaméntidin sherqiy türkistan'gha tekshürüsh hey'iti ewetishni telep qildi

Dunya Uyghur qurultiyi re'isi rabiye qadir xanim 3-dékabir yawropa parlaméntida guwahliq bérish yighinigha qatnashti. Transit radikal partiyesining uyushturushi bilen ötküzülgen bu yighinda dunya Uyghur qurultiyi re'isi rabiye qadir xanim aldi bilen Uyghurlarning hazirqi weziyiti, ilham toxti we uning 7 oqughuchisi toghrisida melumat bergendin kéyin, yawropa parlaméntigha bezi teleplerni otturigha qoyghan. Bularning ichide muhimliri yawropa parlaméntining sherqiy türkistan'gha tekshürüsh hey'iti ewetip insan heqliri toghrisida tekshürüsh élip bérishi, xitayning Uyghurlargha élip bériwatqan bésim siyasitidin, Uyghurlarni xalighanche tutup qamash, öltürüshni toxtitishi üchün xitaygha bésim ishlitishi, ilham toxti we uning oqughuchilirining qoyup bérilishi qatarliqlar .

D u q re'isi rabiye qadir xanim yawropa parlaméntida qilghan nutqida xitayning xongkong siyasiti toghrisidimu toxtalghan. Guwahliq bérish yighinidin kéyin, rabiye qadir xanim yawropa parlaménti tashqi ishlar komitéti mes'uli, insan heqliri komitéti mes'uli we Uyghurlargha köngül bölüwatqan parlamént ezaliri bilen uchriship, Uyghurlarning hazirqi éghir weziyiti toghrisida melumat bergen we teleplirini otturigha qoyghan .

Yuqiridiki ulinishtin rabiye qadir xanim bilen bu heqte élip barghan söhbitimizni anglanglar .