Gérmaniye tashqi ishlar ministirliqi xadimliri Uyghur wekillirini qobul qildi

Ixtiyariy muxbirimiz ekrem
2015-12-09
Share
uyghur-wekiller-germaniye-minister-umid-agahi.jpg Uyghur wekilliri gérmaniye tashqi ishlar ministirliqida xatire sürette. 2015-Yili 9-dékabir, gérmaniye.
RFA/Ekrem

D u q wekillirining bildürüshiche, bérlinda gérmaniye tashqi ishlar ministirliqi xadimliri Uyghur wekillirini qobul qilip, özlirining xitay hökümiti bilen Uyghurlar mesilisi üstide élip barghan söhbitining mezmunidin melumat bergen we ular bilen Uyghur élining nöwettiki weziyiti heqqide sözleshken.

D u q mu'awin re'isi ümid agahi we neshriyat-teshwiqat komitéti mudiri perhat muhemmidi ependilerning 9-dékabir küni bérlindin bergen melumatigha asaslan'ghanda, gérmaniye tashqi ishlar ministirliqi insan heqliri komitéti mudiri shitras ependi Uyghur wekillirini tashqi ishlar ministirliqi binasida qobul qilghan bolup, bu söhbetke bash shtabi gérmaniyediki xeter astidiki milletlerni qoghdash teshkilati asiya ishliri bölümining mes'uli ulrik délyus ependimu qatnashqan.

D u q xadimlirining bildürüshiche, bu qétimqi söhbet mexsus Uyghurlar mesilisini téma qilghan bolup, tashqi ishlar ministirliqi xadimliri aldinqi heptiler xitaygha barghanda xitay wekilliri bilen Uyghur mesilisi üstide söhbette bolghanliqini we bu söhbetning mezmunini bildürüp ötken. Ümid agahi ependi bu heqte toxtilip, uchrishishning asasiy mezmunidin bizni xewerlendürdi.

Perhat muhemmidi ependining bildürüshiche, bu qétimqi uchrishish gérmaniye hökümitining Uyghurlar mesilisige bolghan ijabiy pozitsiyisini éniq körsitip béridiken. Shitras ependi söhbet esnasida, Uyghurlarning gérmaniye hökümitidin kütidighan ümidliri toghriliq sorighan. Ümid agahi jawab bérip, Uyghurlarning bezi istekliri heqqide toxtalghan.

Bu qétimqi uchrishishta yene, Uyghur siyasiy panahliq tiligüchilerning gérmaniyediki ehwali heqqidimu söhbetler bolup ötken. Xeter astidiki milletlerni qoghdash teshkilati mes'uli ulrik déliyus ependi bu heqte etrapliq melumat bergen. Bu qétimqi uchrishish bir yérim sa'et dawamlashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet