Namayishchilar gollandiyediki xitay bash elchisige telep xéti sundi

Ixtiyari muxbirmiz pida'iy
2014-06-12
Share
gollandiye-namayish-xitay-elchixanisi-aldida.jpg Namayishchilar xitay bash elchixanisi aldida namayish qildi we xitay bash elchisige telep xéti sundi. 2014-Yili 10-iyun, gollandiye.
RFA/Pidaiy

10‏-Iyun gollandiye Uyghur birlikining orunlashturushi bilen gollandiyening siyasiy paytexti denhaxta naraziliq namayishi élip bérildi. Namayish shu yer waqti 12din 14kéche parlamént binasining aldida, 14din 16‏-ghiche xitay konsulxana aldida jem'iy 4 sa'et dawam qilghan.

Namayishchilar ay-yultuzluq kök bayraqliri we lozunkiliri bilen jarangliq sho'arliri arisida, xitaylarning bu yil kirgendin béri éghirlap kétiwatqan zulumlirini toxtitish we Uyghurlarning insaniy heq-hoquqlirigha ri'aye qilishtek heqliq dewalirini anglatti.

Gollandiye Uyghur birlikining re'isi abdusalam niyaz ependining bildürüshiche, mezkur namayish d u q ning bir tutash orunlashturushi bilen pütün dunya miqyasida oxshash bir künde namayish teshkillesh chaqiriqigha awaz qoshush üchün, orunlashturulghan.

Uning éytishiche, ular parlamént binasi aldidin, xitay bash konsulxanisi aldighiche 3 kilométirdin artuq musapide, piyade yürüsh qilghan we türlük teshwiq waraqlirini tarqatqan.

Namayishchilar bu qétimqi namayishta yene xitay bash elchisige bir parche telep xéti sun'ghan bolup, uningda xitay hökümitidin, yéqinqi yillardin béri naheq tutulghan sherqiy türkistanliqlarning atalmish eyibnamilirige qaytidin qarap chiqish, térrorluq qalpiqi keydürülgenlerning jinayi qilmishlirini ispatlash, hökümge buyrulghanlarning siyasiy we insaniy hoquqlirigha ri'aye qilish we barliq basturush siyasetlirini toxtitip, ochuq-ashkara bolush... Dégendek mezmunlar telep qilin'ghan.

Téléfon ziyaritimizge daxil bolghanlar, özining hés-tuyghuliri we arzu-ümidlirini radi'o anglighuchilar bilen ortaqlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet