Керийәниң сийәк йезисида һиҗапқа қол узатқан хитай секритар, һиҗапланған қизниң акисидин дәккисини йегән

Мухбиримиз шөһрәт һошур
2014-12-18
Share
Uyghur-ayallar-kiyinishi-romal-chumbel-yaghliq-305 Сүрәт, уйғур елиниң мәлум шәһридики кочиларниң биридә кетип барған уйғур айаллири кийинишлиридин бир көрүнүш.
RFA Photo


Өткән пәйшәнбә күни керийә наһийисиниң сийәк йезилиқ партком секритари йән чигаң, мотосиклитта йолдишиниң кәйнидә олтуруп китиватқан бир һиҗабланған аялниң алдини тосқан; аялниң йолдиши секритарниң тосушиға қаримай йолини давам қилған, секритар аптомобили билән мотосиклитқа мингишип кетиватқан аялниң арқисидин қоғлиған. Һиҗапланған аял өйиниң алдиға кәлгинидә секритар арқисидин йетишип келип униң бешидики лечәккә қол узатқан; дәл бу чағда аялниң акиси аблиз обулһәсән өйидин етилип чиқип секритарниң янпишиға бирни тәпкән; секритар аблиз обулһәсәнниң йенида палтиму барлиқини көргәндин кейин қорққинидин һушидин кәткән. 15 Минутниң ичидә нәқ мәйданға йетип кәлгән хитай қораллиқ күчлири хитай секритарни дохтурханиға, аблиз обулһәсән вә униң сиңлиси бүвинияз обулһәсәнни қамақханиға елип маңған.

Бу вәқәниң тәпсилатини, нәқ вәқә йүз бәргән кәнт секритариниң еғизидин аңлайсиләр.

Һөрмәтлик радио аңлиғучилар, хитай йеңи диний чәклимилирини елан қилғандин кейин, чәтәллик мутәхәссисләр бу түзүмниң вәзийәтни оңшиялмайдиғанлиқини, әксичә, қаршилиқ һәрикәтлирини техиму улғайтиш вә кәскинләштүрүш еһтимали барлиқини оттуриға қойған иди. Биз бирқанчә күндин бери хәвәр қиливатқан вәқәләр, хотәнниң пәқәт чәт бир йезисида йүз бәргән вәқәләр болуп, бу әһвал, мутәхәссисләрниң мәзкур пәризиниң тоғрилиқини испатлимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт