Yaponiye qelemkeshler kulubi ilham toxtini pexriy ezaliqqa qobul qildi

Ixtiyariy muxbirimiz haji qutluq qadiri
2015.01.05
turmemet-hashim-ilham-toxti.jpg Yaponiyede olturushluq Uyghur pa'aliyetchi turmemet hashim xitayning tokyodiki elchixanisi aldida ilham toxti we xadagha erkinlik telep qilip soz qilmaqta. 2014-Yili 9-noyabir, tokyo.
RFA/Qutluq
Anglash Awazni köchürüsh

Yaponiye Uyghur jem'iyitining re'isi ilham mahmutning bildürüshiche, yéqinda yaponiye qelemkeshler kulubi mexsus qarar maqullap Uyghur öktichi ziyaliysi ilham toxtini pexriy ezaliqqa qobul qilghanliqini élan qilghan.

Yaponiye qelemkeshler kulubi ötken yili 15-yanwarda Uyghur öktichi ziyaliysi ilham toxti xitay da'iriliri teripidin qolgha élinip üch kündin kéyin, uning naheq tutqun qilin'ghanliqigha naraziliq bildürüp bayanat élan qilghan shundaqla izchil halda uning türme hayatigha köngül bölüp kelgen idi.

Xitay sot mehkimisining Uyghur öktichi ziyaliysi ilham toxtigha muddetsiz qamaq jazasi bergenlikige qet'iy qarshi turup kéliwatqan yaponiye qelemkeshliri mezkur kulubning yétekchilikide, ilham toxtining xitay türmisidin baldurraq azad qilinishi üchün bulturdin bashlap türlük pa'aliyetlerni élip bériwatqan idi.

Yuqiriqi awaz ulinishidin, ixtiyariy muxbirimiz haji qutluq qadirining yaponiye Uyghur jem'iyitining re'isi ilham mahmut bilen élip barghan bu heqtiki söhbitini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.