Сиясий паалийәтчи керәм қариниң 11 нәпәр туғқини тутқун қилинған

Ихтиярий мухбиримиз арслан
2015.07.25
abdulkerim-kuchar-sozlep-beriwatqan-kurunush.jpg Абдукерәм қари сөз үстидә
RFA/Arslan


Истанбулда яшаватқан вә шәрқий түркситан маарип вә һәмкарлиқ җәмийитиниң идарә һәйәт рәһбәрлиридин абдулкәрим зияп кучар (керәм қари)ниң 11 нәпәр туғқиниң хитай сақчи даирилири тәрипидин тутқун қилинип, бәзилири сәвәбсизла 5 йиллиқтин қамақ җазасиға һөкүм қилинғанлиқи билдүрүлди.

Керәм қариниң билдүрүшичә, униң акиси һимит зияп вә сиңлиси нурсәм шундақла униң һаммиси хәлчәм вә һаммисиниң оғуллири болуп 11 нәпәр уйғур буниңдин 6 ай илгири ақсу вилайитиниң куча наһийисидә сақчилар тәрипидин һечқандақ сәвәбсиз тутқун қилинған вә акиси билән сиңлиси 5 йиллиқтин қамақ җазасиға һөкүм қилинған.

Керәм қариниң билдүрүшичә, униң акиси 5 йиллиқ қамақ җазасиға һөкүм қилған болуп, у, намаз оқуш вә чәтәлдики керәм қари билән телефонда алақә қилғанлиқ билән әйибләнгән.

Керәм қариниң сиңлиси ислами узун кийим кәйгәнлики вә исламий кийимләрни селиветишни рәт қилғанлиқи үчүн тутқун қилинған вә 5 йиллиқ қамақ җазасиға һөкүм қилинған.

Керәм қари туғқанлириниң әһвали тоғрисида ениқ мәлуматқа игә болалмиған. Һазир қәйәрдә, қайси түрмидә тутуп турулуватқанлиқиниму билмәйдикән.

Бу һәқтә биз керәм қари билән елип барған сөһбитимизниң тәпсилатини юқиридики аваз улиништин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.