Rabiye qadir: “Lükchün” we “Xan'ériq” weqeliri xitay dölet térrorining netijisi

Muxbirimiz gülchéhre
2016.06.30
Share on WhatsApp
Share on WhatsApp
rabiye-aliy-kengesh-sozde.jpg Uyghur milliy herikitining rehbiri rabiye qadir xanim dunya Uyghur qurultiyining yighinida sözlimekte. 2011-Yili may, washin'gton.
RFA

Uyghur élining pichan nahiyisi lükchün saqchixanisi aldida 2013-yili 6-ayning 26-küni seherde hujumchilar bilen saqchilar otturisida yüz bergen toqunushta jem'iy 46 adem ölgen, buning 11 nepiri saqchixana xadimliri bilen toqunushqan Uyghurlar bolup, ular neq meydanda étip öltürülgen idi. Lükchün weqesi Uyghur diyarida 5-iyul ürümchi weqesidin kéyinki eng chong qanliq weqelerning biri hésablinidu. Xoten shehiri xan'ériq bazirida 28-iyun jüme namizidin yan'ghan yashlar bilen ularni nazaret qilip mangghan saqchilar otturisida toqunush yüz bérip ikki adem ölgen, köp adem yarilan'ghan. Xitay da'iriliri bu weqelerni “Térrorluq weqesi” dep atighan idi.

Dunya Uyghur qurultiyining re'isi rabiye qadir xanim bügün radiyomiz ziyaritini qobul qilip 3 yil awwal yüz bergen 26-iyun lükchün weqesi bilen 28-iyun küni xoten shehiri xan'ériq bazirida yüz bergen weqeler heqqide toxtaldi we bu weqelerde hayatidin ayrilghanlarning hemmisi “Xitay dölet térrorluqining qurbanliri dep tonuymen” dédi. Rabiye xanim bu weqelerning xatirisi munasiwiti bilen xelq'ara jem'iyetni bu weqelerning kélip chiqish sewebi hemde basturulush jeryanlirini inchikilik bilen közitip, xitay hökümitining rayonda qarshilashqan Uyghurlargha “Sotsiz ölüm” tüzümini qattiq ijra qiliwatqanliqidek qilmishi üstidin tekshürüsh élip bérishqa chaqirdi. U axirida, Uyghur xelqini bu weqelerning xatire künliride bu weqelerdiki qurbanlar we ularning a'ile tawabi'atlirini untup qalmasliqini teshebbus qildi.

Diqqitinglar, muxbirimiz gülchéhrening rabiye qadir xanim bilen ötküzgen mexsus söhbitide bolsun.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.