Yekende yüz bergen 26 - séntebir odanliq weqesining bir qisim tepsilati ashkarilandi

Muxbirimiz shöhret hoshur
2013-10-10
Share
urumchi-herbiy-basturush-2013.jpg Xitay qoralliq saqchi qisimlirining ürümchi shehirige kirgüzgen bronéwikliri. 2013-Yili 29-iyun.
AFP


Ashkarilinishiche, 26 - séntebir küni yeken nahiyesi odanliq yézisining xanköwrük we rawat'östeng qatarliq kentliride weqe yüz bergen. Weqede saqchilar bomba yasash gumani bilen bir türküm kishilerni turuwatqan öyide qorshawgha alghan.

Saqchilar qorshaw dawamida gumandarlargha qaritip chiqirip, ularning bir qisimini öltürgen we bir qisimini yarilandurghan.

Dunya Uyghur qurultiyi ötken hepte, yekenning odanliq yézisi qatarliq jaylarda arqa - arqidin weqe yüz bergenliki, weqede xitay saqchiliri puqralargha oq chiqirip 7 kishini öltürgenliki heqqide melumat élan qilghan idi. Radi'omiz xitayche bölümi bu heqte ehwal igiliginide da'iriler weqening yüz bergenlikini inkar qilghan idi.

Muxbirimiz bügün odanliq yézisidiki saqchi we kent mes'ullirigha téléfon qilip weqening tepsilati heqqide melumat soridi.

1

Muxbir: odanliqta ötken hepte yüz bergen weqedin xewiringiz boldimu?

Ahale: ish chiqiptu dep angliduq, tepsilatidin xewirimiz yoq.

Muxbir: qeyerde ish chiqiptu dep anglidinglar?

Ahale: ishni 21 - dadüy bilen 16 - dadüyde chiqiptu dep angliduq.

Muxbir: nami néme u kentlerning?

Ahale: 21 - kent déginimiz xanköwrük, 16 - kent déginimiz rawat'östeng.

2

Muxbir: yézanglarda yüz bergen weqedin xewiringlar boldimu?

Ahale: bir bir qisim bölgünchilerni bayqap tutuptu deng angliduq.

Muxbir: anglishinglarda weqe qandaq bashlinip qandaq axirlishiptu?

Ahale: eslide ular) gumandarlar( 4 - kentte bir öyde topliship turuwatqanken, kéyin ular xanköwrükke köchüptu, shu jeryanda saqchilar bayqap qélip, shu öyni qorshawgha élip tutuptu dep angliduq.

Muxbir: démek gumandarlar 4 - kenttin 21 - kentke) xanköwrükke( köchüsh dawamida pash boptimu?

Ahale: he, shundaq dep angliduq.

Muxbir: weqede qanche adem ölüptu, qanchisi yariliniptu?

Ahale: ölüptu deng angliduq, emma qanchisi ölginini bilmiduq.

3

Muxbir: bu odanliq saqchixanisidin saqchi nur élimu?

Saqchi: shundaq, men shu.

Muxbir: xanköwrükte yüz bergen weqede sizmu wezipe ötidingizmu?

Saqchi: men etisi shu yerni mudapi'e qilghini chiqtim.

Muxbir: neq meydanda némilerni kördingiz?

Saqchi: men asasliqi shopurluq qildim, néme ish bolghini tepsiliy bilip ketmidim.

Muxbir: weqedin qandaq xewer taptingiz?

Saqchi: weqe peyshenbe küni kechte yüz bériptu, méni etisi chaqiriptu, men mashina bilen sojangni) saqchixana bashliqi( élip chiqtim.

Muxbir: qanche mashinida qanche kishi chiqtinglar?

Saqchi: biz 3 mashinida 15 - 16 kishi chiqtuq, biz chiqsaq nahiyening saqchiliri bar iken.

Muxbir: weqe qandaq bashlinip qandaq axirlishiptu?

Saqchi: uni men uqmidim, men peqet étishiptu dep anglidim.

Muxbir: qarshi terepning qolida qoral barmiken?

Saqchi: yoq.

Muxbir: undaqta qandaq étishqan bolidu?

Saqchi: yaq, étiptu dédim.

Muxbir: weqede qanche kishi ölüp qanche kishi yariliniptu?

Saqchi: saqchilardinmu?

Muxbir: shundaq.

Saqchi: saqchilardin yarilan'ghan yoq.

Muxbir: gumandarlardinchu?

Saqchi: uni men bilmidim.

Muxbir: rawat'östengdiki weqege siz qatnashtingizmu wezipe ötesh üchün?

Saqchi: yaq. Uninggha men barmidim.

Muxbir: rawat'östeng bilen xanköwrüktiki weqening qaysi burun yüz bériptu?

Saqchi: xanköwrüktiki yüz bérip 4 kündin kéyin rawatöstengdiki yüz berdi.

4

Muxbir: siz 24 - kentning partkom sékritarighu deymen?

Sékrétar: shundaq, men shu.

Muxbir: xanköwrükte yüz bergen weqe néme weqe u?

Sékrétar: shu wetenni parchilaydighan bölgünchilerning ishi.

Muxbir: weqening bash axir qandaq boldi?

Sékrétar: men neq meydanda yoq, saqchilar bir terep qildi, biz peqet saqchilargha masliship bixeterlik tedbirlirini ishliduq.

Muxbir: weqeni néme sewebtin kélip chiqti dep anglidingiz? gumandarlar néme ish qilghan iken?

Sékrétar: bomba yasighan iken.

Muxbir: xanköwrüktiki weqede qanche kishi öldi dep anglidingiz?

Sékrétar: 3 kishi.

Muxbir: yarilan'ghanlarchu?

Sékrétar: uni bilmeymen.

Muxbir: rawat'östengdiki weqede qanche kishi ölüp qanche kishi yarilandi?

Sékrétar: u sanlarni bilmeymen.

Muxbir: bolmisa shu jayda weqe yüz berginidin xewiringiz barmu?

Sékrétar: xewirim bar.

Hörmetlik radi'o anglighuchilar, yuqirida yekenning odanliq yézisida yüz bergen 26 - séntebir weqesining bir qisim tepsilatini diqqitinglargha sunduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet