Рабихан муса ана хитай сақчилири тәрипидин йәнә бир қетим алданди

Мухбиримиз шөһрәт һошур
2016-09-30
Share
rabiyxan-musa-ana.jpg 5 Йилдин бери дидарини көрмигән кәнҗи оғли қурбанҗанни көрүшкә тәшна болған рабийхан ана.
RFA/Shöhret Hoshur


Хитай сақчилиридин бири мушу һәптиниң бешида рабихан муса аниниң өйигә берип, паспорти һәққидә шикайәт қилишни тохтитип турушни тәләп қилған вә мушундақ қилғанда өзиниң алақидар әмәлдарлар билән сөзлишип униң паспорт ишини һәл қилип беридиғанлиқини ейтқан. Рабихан ана мәзкур сақчиға 5 күн сүрүк бәргән. Йәни 5 күнгичә ахбарат зияритини қобул қилмайдиғанлиқи вә 5 күн ичидә паспорти қолиға тәгмисә зиярәтни йәнә давамлаштуридиғанлиқини ейтқан. Сүрүккә мақул болған сақчи хадими бүгүн нәқ 5 күн толған болсиму рабихан аниға һечқандақ мәлумат бәрмигән. Нәтиҗидә рабихан ана бүгүн зияритимизни тәкрар қобул қилип, хитай сақчилириниң өзини алдаватқанлиқи үстидин шикайәт қилди. Төвәндә мухбиримиз шөһрәт һошурниң бу һәқтә тәйярлиған программиси диққитиңларда болиду.

Рабихан ана бүгүнки сөһбитимиз давамида балиси вә нәврилирини көрүш үчүн давамлаштуриватқан шикайәт вә баянатлирини паспорти қолиға тәгмигән әһвал астида ахирқи нәписигә қәдәр тохтатмайдиғанлиқини ейтти. Балиси вә нәврилири билән бир һәптә һәмдастихан болуштин башқа чоң бир тәлими йоқлуқини әскәрткән рабихан ана, 8 айдин бери йолуққан һәқсизлик вә зораванлиқ сәвәбидин саламәтлиниң барғансери начарлишиватқанлиқини тәкитләп, әгәр мушу ай, мушу күнләрдә һаятиға бир қаза келип қалса, хитайниң бөрталадики сақчилиринип қатил дәп қарилиши керәкликини әскәртти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт