Уйғур паалийәтчилири бирюсселда уйғур вәзийити һәққидә сөһбәтләшти

Ихтиярий мухбиримиз пидаий
2015.01.26
Bilgiye-uyghur-sohbet.jpg Бирюсселда ечилған уйғур вәзийити һәққидә сөһбәт йиғинидин көрүнүш. 2015-Йили январ, белгийә.
RFA/Pida’iy

24-январ шәнбә күни белгийә уйғур җәмийитиниң орунлаштуруши билән белгийәниң бирюссел шәһиридә җәм болған уйғурлар өз вәтинидики вәзийәт мәсилилири һәққидә сөһбәтләшти. Сөһбәткә белгийә, голландийә вә германийәдә яшаватқан уйғурларниң җәмийәт вәкиллири вә әза актиплири иштирак қилди.

Белгийә уйғур җәмийити, голландийә уйғур бирлики тәшкилати вә уйғуристан азадлиқ тәшкилатиниң мәсуллири муһаҗирәттики дәва йолида пикирләшкән.

Мәзкур паалийәт һәққидә зияритимизни қобул қилған садиқҗан сәләй әпәнди мәзкур паалийәтниң белгийә уйғурлири арисида давам қиливатқан “мәшрәп паалийити”ниң тәклип қилиши билән иштирак қилғанлиқи; паалийәтниң яхши бир кәйпиятта өткәнлики; тәшкилатлар ара пикир алмаштуруштин йеңи пикирләрниң оттуриға қоюлғанлиқини билдүрди.

Мәзкур паалийәт һәққидә зияритимизни қобул қилған уйғуристан азадлиқ тәшкилатиниң мәсули османҗан турсун әпәнди паалийәткә иштирак қилиш сәвәби вә мәқсәт-ғайилири һәққидә мәлумат бәрди.

У йәнә илгирики зиярәтлиридә тәшкилий достлуқни илгири сүрүш мәқсити билән пикир бирликигә кәлгән голландийә уйғур бирлики тәшкилатиниң маслишиши һәққидә тохталди.

Османҗан турсун әпәнди йәнә: уйғуристан азадлиқ тәшкилати бүгүнки уйғур вәзийитигә қандақ қараватиду? уйғурларниң чиқиш йолини немигә бағлашқа тәшәббус қиливатиду? дегән соалимизға җаваб бәрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.