Rabiye qadir : “Uyghurlar xitay hökümitining zorawanliq we térrorluqining qurbani bolup kelmekte, buni dunya körüshi kérek...”

Xitay jama'et xewpsizlik ministirliqi bügün axbaratqa, - 23april sériqbuya weqesini éniqlashta ilgirilesh bolghanliqini élan qilip,“23 - April sériqboya weqesini tughdurghan zorawanliq térrorluq guruh ezaliridin 25 kishini qolgha chüshürduq” dédi we weqeni chégra ichi we sirtidiki üch xil küchlerning pilanlishidiki“Zorawanliq, térrorluq weqesi” dep atidi.

Shundaqla xitay da'irilirining Uyghur élide öch xil küchlerge qarshi qattiq basturushning ilgirikidinmu qattiq élip bérilidighanliqidin shepe berdi, emma bu munasiwet bilen dunya Uyghur qurultiyi re'isi rabiye qadir xanim mexsus bayanat bérip “Eger bu weqe ras weqe bolsa, buni peqet xitayning zorawan siyasitige qarita qarshiliq déyishke bolidu, eger undaq bolmaydiken, xitay xelq'ara jem'iyetning weqege qarita musteqil tekshürüsh élip bérishigha yol qoyushi kérek” dédi we xitay hökümitini Uyghurlargha toxtawsiz élip bériwatqan qattiq basturush we bir tereplimilik eyibleshlirining yenimu zor naraziliq we qarshiliqlargha seweb bolidighanliqini agahlandurdi.

Nöwette muxbirimiz gülchéhre rabiye qadir xanimning mexsus bayanatining mezmunlirini anglitidu.