Японийәниң токйо, осака шәһәрлиридә моңғул, тибәт, уйғурлар хитайға қарши бирләшмә намайиш өткүзди

Ихтиярий мухбиримиз һаҗи қутлуқ қадири
2015.02.16
tokyo-xitay-elchixanisi-namayish.jpg Хитайниң токйодики әлчиханиси алдида моңғул, тибәт, уйғур тәшкилатлири бирликтә өткүзгән хитайға қарши намайиштин көрүнүш. 2015-Йили 14-феврал, японийә.
RFA/Qutluq

14-Феврал токйодики хитай әлчиханиси, осакадики хитай консулханиси алдида японийәдә паалийәт елип бериватқан моңғул, тибәт, уйғур тәшкилатлири бирликтә хитайға қарши намайиш өткүзди.

Бу қетимқи үч милләтниң бирләшмә намайишини японийәдә паалийәт елип бериватқан җәнубий моңғул әркинлик, демократийә фонди тәшкилати уюштуған болуп, намайиш асаслиқи, хитай һакимийитиниң йеқинда ички моңғул аптоном районидин бейҗиңға әрзгә барған моңғул әрздарларниң тутқун қилинишиға вә шундақла хитайниң бу үч районда елип бериватқан бастуруш сияситигә қарши наразилиқ билдүрүш мәқситидә уюштурулған.

Токйода елип берилған бирләшмә намайишқа уйғурларға вакалитән дуня уйғур қурултийиниң японийәдики вәкили доктор турмуһәммәт һашим қатнашқан вә сөз қилған.

Токйодики намайиш әтигән саәт он бирдин саәт биргә қәдәр давамлашқан болуп, намайишқа көплигән моңғул, тибәт, уйғурлар вә шундақла бир қисим японлар иштирак қилған.

Нөвәттә диққитиңлар, мәзкур намайиш һәққидә елип берилған сөһбәт программисида болғай.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.