Яшлар уйғур кишилик һоқуқ қоғдиғучиси болуш үчүн қандақ шәртләрни һазирлаш керәк?

Мухбиримиз гүлчеһрә
2015.05.14
yashlarni-terbiyilesh-kursi.jpg Америка дөләт мәҗлиси бинасида д у қ йеңи бир нөвәтлик яш актиплирини тәрбийиләш курсиниң ечилиш мурасимиға қатнишиватқан йиғин әһли. 2015-Йили 6-май, вашингтон.
RFA

Хитай һөкүмитиниң уйғур яшлирини нишан қилған бастурушлири барғанчә күчәймәктә, буниң билән йеқинқи йилларда болупму 5-июл вәқәсидин кейин чәтәлләргә һиҗрәт қилған уйғур яшлириниң сани көпәймәктә.

Вәзийәткә мас һалда чәтәлләрдики уйғур давасиниң мәркизи тәшкилати болған дуня уйғур қурултийи мана бу уйғур дава сепигә қетиливатқан йеңи яш күчләрни йетәкләш, уларниң актиплиқини ашуруш, паалийәт елип бериштики кәспий иқтидарини юқири көтүрүшкә әһмийәт бәрмәктә. Өткән һәптә д у қ ниң 10-нөвәтлик яш уйғур актиплирини тәрбийиләш курси 6-майдин 8-майғичә вашингтонда ечилған иди. Курс ахирлашқандин кейин бу нөвәтлик яш актипларни тәрбийиләш курсини тәшкилләш хизмәтлиридә актип рол ойниған яшлардин дуня уйғур қурултийи яшлар комитетиниң рәиси ғәюр қурбан әпәнди “уйғур кишилик һоқуқ қоғдиғучиси, әркинлик җәңчиси болуш үчүн яшлар қандақ шәртләрни һазирлаш керәк?” дегән темида зияритимизни қобул қилди вә өзиниң уйғур дәвасиға қатнишишиға немә асаслиқ түрткә болғанлиқини һәмдә йетилиш йоллирини сөзләп өтти.

Юқиридики аваз улинишидин мухбиримизниң ғәюр қурбан әпәнди билән елип барған сөһбитини аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.