"мәмтили тәвпиқ фонди" түркийәдики уйғур аспирантларға ярдәм пули бериду

Мухбиримиз әркин тарим
2015-08-28
Share
turkiye-uyghur-akademiye-abdulhamit-karahan-qaraxan.jpg Уйғур академийәси рәиси абдулхәмит қарахан
RFA/Erkin Tarim


Вәтән вә милләткә ярамлиқ яшларниң техиму көп йетишип, уйғур пән - тәтқиқатчи вә академикләрниң сепигә қетилиши үчүн, түркийә уйғур академийәси чәтәлдики мәрипәтпәрвәр уйғурларниң ярдими билән 2014 - йилидин башлап "мәмтили тәвпиқ фонди" уйғур магистир вә доктур оқуғучилар оқуш ярдәм пулини тәсис қилған иди.

Мәзкур фонди өткән йили оқуш нәтиҗиси алаһидә яхши болған, әмма оқуш ярдәм пулиға еһтияҗлиқ болған 4 магистир вә 2 доктур оқуғучисиға бир йиллиқ оқуш ярдәм пули бәрди. Бу оқуш ярдәм пули, дәрстә әла, әмма аилә иқтисади яхши болмиған уйғур магистир вә доктур оқуғучилириниң дәрдигә дәрман болуп кәлмәктә.

Уйғур академийәси мәрипәтпәрвәр уйғурларниң ярдими билән,2015 - , 2016 - оқуш йили үчүнму "мәмтили тәвпиқ фонди" уйғур магистир вә доктур оқуғучилар оқуш ярдәм пулини беришни давамлаштуриду.

Уйғур академийәси рәиси абдулхәмит қараханлиниң ейтишичә оқуш мукапат пулиға еришишниң асаслиқ шәртлири төвәндикидәк икән.

1 - Бу оқуш ярдәм пулиға пәқәт түркийәдә магистирлиқ вә докторлуқта өз хираҗити билән оқуватқан уйғур оқуғучиларла илтимас қилалайду. Илтимас қилғучиларға яш чәклимиси қоюлмайду.

2 - 2015 - , 2016 - оқуш йили уйғур магистир вә доктур оқуғучилар оқуш ярдәм пулиға илтимас шәртлири мувапиқ болғанлар 2015 - йили сентәбирдин 2016 - йили июнғичә җәмий 10 ай оқуш ярдәм пулиға еришиду. Уқуш ярдәм пули һәр айниң 15 - күнидин 20 - күнигичә оқуғучиниң банка һесабиға ятқузулиду.

3 - Һәр айлиқ оқуш ярдәм пули соммиси доктор аспиранти үчүн 450 түрк лираси, магистир аспиранти үчүн 350 түрк лирасидур.

4 - Оқуш ярдәм пулиға илтимас қилғучи оқуғучилар чоқум түркийәниң һәрқандақ бир алий мәктипидә өз хираҗити билән оқуватқан болуши вә башқа һәрқандақ дөләт органлиридин оқуш мукапати вә оқуш ярдәм пули алмиған болуши тәләп қилиниду.

5 - Оқуш ярдәм пулиға еришкән оқуғучилар уйғур академийәсиниң илмий паалийәтлиригә өзлүкидин актип қатнишиши, пәқәтла мәктәптики дәрсләрдила әла нәтиҗә қазинишни нишан қилипла қалмай, бәлки иҗтимаий мунасивәтләрдә уйғур оқуғучиларға үлгилик иш вә һәрикәтләрдә болуши тәләп қилиниду.

Юқириқи шәртләрни һазирлиған уйғур магистир вә доктур оқуғучилар уйғур 6 - сентәбир күнигичә елхәт арқилиқ академийәсигә биваситә илтимас сунуши керәк.

2015 - , 2016 - оқуш йили "мәмтили тәвпиқ фонди" уйғур магистир вә доктур оқуғучилар оқуш ярдәм пули алған оқуғучилар кейинки йили өз әмәлий әһвали вә қолға кәлтүргән нәтиҗилиригә асасән қайта илтимас қилса болиду.

Илтимас қобул қилиш ахирқи вақти 2015 - йили 9 - айниң 6 - күнигичә икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт