“уйғур академиклар кеңиши” рәсмий қурулди

Ихтиярий мухбиримиз әркин тарим
2017.11.17
uyghur-akademiye-torbet.jpg Уйғур академийә торбети көрүнүши.
akademiye.org

Хитайниң уйғурларға елип бериватқан бесим сиясити үзлүксиз күчийиватқан, уйғур тили, уйғур миллий маарипи чәклимигә учраватқан бүгүнки күндә мәркизи истанбулдики уйғур академийиси 11-ноябир күни мәхсус йиғин өткүзүп, уйғур академиклар кеңиши қурулғанлиқини җакарлиди.

Мәзкур академийәниң тармиқида қурулған уйғур академиклар кеңишиниң рәисликигә доктор ришат аббас борһан, иҗраийә рәисликигә абдулһәмит қарахан тәйинләнгән. Зияритимизни қобул қилған уйғур академийисиниң рәиси аблимит қарахан әпәнди, бир йилдин көпрәк тиришчанлиқ нәтиҗисидә муһаҗирәттә яшаватқан уйғур сәрхиллири ичидики 29 кишидин тәркиб тапқан, уйғур академийисиниң омуртқиси һесабланған уйғур академиклар кеңишини қуруп чиққанлиқини баян қилди.

Уйғур академиклар кеңишиниң иҗраийә рәиси абдулһәмит қарахан әпәнди уйғур академикләр кеңиши әзалириниң һоқуқи вә мәҗбурийәтлири тоғрисида тохталди. 

Уйғур академиклар кеңиши рәис, данишмәнләр һәйити, иҗраийә рәиси вә кеңәш әзалиридин тәркиб тапқан болуп, доктор ришат аббас борһан рәисликкә, доктор әркин сидиқ, доктор шөһрәт мутәллип вә профессор алимҗан инайәт әпәндиләр данишмәнликкә тәйинләнди. 

Уйғур академийәси қармиқидики академиклар кеңишигә америка қошма штатлири, түркийә, явропа дөләтлири, оттура асия түркий җумһурийәтлиридин болуп докторлуқ илмий унвани алғандин кейин илим саһәсидә мәлум нәтиҗә яратқан 29 киши әзалиққа тәйинләнгән. Академиклар кеңишигә бундин кейинму шәрти тошқан уйғур зиялийлири әза болалайдикән. Абдулһәмит қарахан әпәнди бу һәқтә тохтилип тәпсилий мәлумат бәрди. 

Измирдики әгә университетиниң профессори алимҗан инайәт әпәнди чәтәлләрдики уйғур зиялийлириниң күчини тоғра нишан үчүн хизмәт қилдурушта уйғур академиклар кеңиши ролиниң зор болидиғанлиқини алаһидә тәкитлиди. 
Уйғур академийисиниң рәиси абдулһәмит қарахан әпәндиму уйғур академиклар кеңишиниң уйғур зиялийлири арисида көврүклүк рол ойнайдиғанлиқини илгири сүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.