Голландийәдики уйғурлар мәрһум абдулһәким мәхсумниң иш-паалийәтлирини әслиди

Ихтиярий мухбиримиз пидаий
2017-01-04
Share
isa-qarajim-sozlimekte.jpg Иса қараҗим һаят-маматқа алақидар вәз сөзлимәктә. 2017-Йили 1-январ, голландийә.
RFA/Pida’iy

2017-Йили 1-январ йәкшәнбә елип берилған голландийәдики уйғурларниң айлиқ сөһбәт паалийити мәрһум абдулһәким мәхсумниң иш-излирини тонутушқа беғишланди.

Шу йәр вақти пешиндин кийин қуран кәрим тилавити билән башланған мәзкур паалийәттә, мәрһумниң қисқичә тарихи, иш-паалийәтлири вә пикир-қарашлири тонуштурулди вә мәрһумға дуайи-тиләкләр болди. Көпчилик инсанниң һаят-маматиға алақидар илаһий нәсиһәтләрдин вақипланди. Паалийәт ахирида әркин сөһбәтләрдә болған җамаәт, түрлүк саһәләрдә муңдишип, шам намизидин кийин қайтишти.

Мәзкур җәмийәтниң баш мәсули обулқасим абдуләзиз әпәнди, бу йилниң тунҗи паалийитини, мәрһумға атап оюштуруштики муддиа тоғрилиқ изаһат бәрди вә паалийәттин мәлумат бәрди.

Паалийәт иштиракчилиридин зияритимизни қобул қилған явропа шәрқий түркистан маарип җәмийитиниң мәсуллири мәрһумниң вапати вә қиммәтлик һаятиға алақидар билидиғанлирини радийо аңлиғучилиримиз билән ортақлашти.

Айлиқ сөһбәт паалийити явропа шәрқий түркистан маарип җәмийитиниң изчил давам қилип келиватқан асаслиқ паалийәтлиридин бири болуп, униңда өз-ара дидарлишиш, һал-муңдишиш, әркин сөһбәт, диний тәлимат, ибадәткә алақидар коллектип паалийәтләр мәзмун қилинип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт