85 Yashliq ghulamidin paxta ependi “Altun oq” namliq ilmiy tor bet achti

Péshqedem Uyghur ziyaliysi ghulamidin paxta ependi(solda) dunya Uyghur qurultiyi yighinida. 2011-Yili may, washin'gton.

Yéqinda Uyghur tarixi, edebiyati, medeniyiti we bashqa türlük sahelerge da'ir kitab-matériyallarning éléktronluq nusxisi qoyulushqa bashlighan “Altun oq” namliq tor bet dunyagha köz achti.

Bu tor betni amérikining nyuyork shehiride olturushluq bu yil 85 yashqa kirgen, péshqedem Uyghur ziyaliysi ghulamidin paxta ependi tizimgha aldurghan.

“Altun oq” namliq bu tor bet ilmiy we akadémik ölchemde Uyghurshunasliq tetqiqati üchün kitab-matériyallar hemde tarixiy höjjetlerni yetküzüp bérishni meqset qilghan.

Uninggha ghulamidin paxta ependining ömür boyi yighqan her xil tillardiki qimmetlik kitab-matériyalliri, tarixiy qolyazma eserler, Uyghurlar wetinide élan qilish imkaniyiti bolmighan eserler, 20-esirdin buyan ereb, latin we krél élipbesi asasidiki Uyghur til-yéziqida neshr qilin'ghan türlük gézit-zhurnallar, ottura asiya, türkiye we dunyaning herqaysi jaylirida yashawatqan Uyghur ziyaliylirining her xil qolyazma eserliri éléktronluq nusxida qoyulushqa bashlighan.

Mezkur tor betni bu Ulinishtin Ziyaret qilalaysiz: www.altunoq.com

Ghulamidin paxta ependi radi'omiz ziyaritini qobul qilip, özining néme sewebtin bu tor betni achqanliqini, tor betke qoyulghan we qoyulmaqchi boluwatqan kitab-matériyallarning mezmun da'irisi shundaqla özining oqurmenlerge yollighan yürek sözlirini bayan qildi.

Tepsilatini awaz ulinishtin anglighaysiz.