Түркийәниң истанбул вә қәйсәри шәһәрлиридә әйса йүсүп алптекинни хатириләш паалийити өткүзүлди

Ихтиярий мухбиримиз әркин тарим
2017.12.18
eysa-yusup-alptekin-xatirilesh-1.jpg

Әйса йүсүп алптекинни хатириләш паалийитидин көрүнүш. 2017-Йили 17-декабир, түркийә. RFA/Erkin Tarim

eysa-yusup-alptekin-xatirilesh-4.jpg

Әйса йүсүп алптекинни хатириләш паалийитидин көрүнүш. 2017-Йили 17-декабир, түркийә. RFA/Erkin Tarim

eysa-yusup-alptekin-xatirilesh-3.jpg

Әйса йүсүп алптекинни хатириләш паалийитидин көрүнүш. 2017-Йили 17-декабир, түркийә. RFA/Erkin Tarim

eysa-yusup-alptekin-xatirilesh-2.jpg

Әйса йүсүп алптекинни хатириләш паалийитидин көрүнүш. 2017-Йили 17-декабир, түркийә. RFA/Erkin Tarim

Пүтүн өмрини уйғур дияриниң әркинликигә атиған әйса йүсүп алптекинниң вапатиниң 22-йилиқини хатириләш паалийити бу йилму уйғурлар әң көп олтурақлашқан истанбул вә қәйсәри шәһәрлиридә өткүзүлди.

Истанбулда паалийәт елип бериватқан шәрқий түркистан вәхпи билән әйса йүсүп алптекин вәхпи бирликтә истанбулниң тарихий мәсчитлиридин бири болған фатиһ мәсчитидә қуран тилавәт вә униң һәм уйғур дияриниң әркинлики үчүн җенидин айрилғанларниң роһиға атап дуа қилди. 17-Декабир күни саәт 3 йеримда башланған паалийәттә түркләрниң адити бойичә җамаәткә шекәр тарқитип берилди. Вапатиниң 22-йили мунасивити билән өткүзүлгән паалийәткә уйғур дияридин истанбулға келип йәрләшкән уйғур вә қазақларниң тәшкилат мәсуллири, түркийәдики сиясий партийәләрниң истанбулдики мәсуллири вә көп санда җамаәт иштирак қилған.

Бу һәқтә зияритимизни қобул қилған шәрқий түркистан вәхпи баш катипи доктор өмәр қул әпәнди мунуларни деди: “имам әпәнди әйса йүсүп алптекинниң вапатини хатириләш үчүн униңғила әмәс, шәрқий түркистан үчүн шеһит болғанларниң роһиға, шәрқий түркистан дәваси үчүн хизмәт қилғанларға, һаятидин айрилғанларға атап дуа қилди. Һәммимиз дуа қилдуқ. Наһайити яхши өтти. Бу җәрянда мәсчитниң һойлисида җамаәткә адитимиз бойичә гүл сүйи билән шекәр тарқитип бәрдуқ. 17-Декабир күни бу улуғ йолбашчимизни вә униң иш-излирини йәнә бир қетим хатирилигән болдуқ.”

17-Декабир күни әтигән шәрқий түркистан вәхпи рәиси абдулхәмит авшар башчилиқидики бир гуруппа уйғур әйса йүсүп алптекинниң қәбрисини зиярәт қилип, дуа қилип хатирлигәндин кейин фатиһ мәсчитидики паалийәткә барған. Бу паалийәткә иштирак қилған уйғур зиялийси фәрһат тәңритағли әпәнди паалийәтниң яхши өткәнликини тәкитлиди.

Фәрһат тәңри тағли әпәнди 1980-йиллардин кейин тунҗи болуп түркийәгә оқушқа чиққан уйғур зиялийлиридин бири болуп, у, көп қетим әйса йүсүп алптекин әпәнди билән муңдишиш пурситигә игә болған. У, әйса әпәндиниң күрәш һаятиға юқири баһа бәрди.

17-Декабир күни уйғурлар әң көп олтурақлашқан җайлардин бири болған қәйсәридиму әйса йүсүп алптекинни хатириләш паалийити өткүзүлди. “мустәқил шәрқий түркистанлиқлар һәмкарлиқ җәмийити”муавин рәиси халмурат сүйдүңли әпәнди қәйсәридә өткүзүлгән паалийәтниң яхши өткәнликини, әйса йүсүп алптекин көрситип бәргән йолиниң қанчилик тоғра йол икәнликини чоңларниң йәнә бир қетим өзлиригә чүшәндүрүп бәргәнликини баян қилди.
Халмурат сүйдүңли әпәнди қәйсәридә туғулуп чоң болуватқан уйғурларниң әйса йүсүп алптекинни мәңгү унутмайдиғанлиқини баян қилди.

1901-Йили қәшқәрниң йеңисар наһийәсидә дуняға кәлгән әйса йүсүп алптекин 1995-йили 12-айниң 17-күни истанбулда аләмдин өткән иди. Униң җиназа намизи фатиһ мәсчитидә қилинғандин кейин түркийәниң сабиқ баш министири аднан мәндәрәс, сабиқ дөләт рәиси турғут өзаллар дәпинә қилинған топқапи мазарлиқиға дәпнә қилинған иди. Униң җиназа мурасимиға түркийәниң дөләт рәһбәрлири гүлчәмбирәк әвәткән вә иштирак қилған болуп, чоң телевизйәләр нәқ мәйдандин тарқатқан иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.