“һаят шаһитлиримиз” намлиқ көп қисимлиқ телевизийә программиси тарқитилишқа башлиди

Ихтиярий мухбиримиз әркин тарим
2013.07.24

Мәркизи истанбулға җайлашқан “әрк телевизийиси” узун йиллардин бери “сиясәт мәйдани” намлиқ телевизийә программиси арқилиқ дуняниң һәрқайси җайлирида турушлуқ уйғур сиясийонлар, зиялийлар вә паалийәтчиләр билән сөһбәт елип берип, уларниң һаяти вә дәваға болған көз қаришини аңлитип кәлмәктә иди. Йеқинда “һаят шаһитлиримиз” намида телевизийә программиси тәсис қилип уйғур тарихи шәхсләр тоғрисидики мәлуматларни оттуриға чиқиришқа тиришмақта. Бу көп қисимлиқ телевизийә программисини ишләш үчүн 6-айда қазақистан вә қирғизистанға берип синалғуға тартип кәлгән “әрк телевизийиси” иниң мудири абдурахман өзтүрк әпәнди билән бу һәқтә сөһбәт елип бардуқ. У, қазақистан вә қирғизистандики уйғурларниң һаяти вә сиясий тарихи баян қилинған “һаят шаһитлиримиз” намлиқ көп қисимлиқ филим ишләватқанлиқини, җәмий 50 қисимлиқ телевизийә программиси ишләйдиғанлиқини , буниң биринчи қисминиң www.erktv.com Тор бетигә қоюлғанлиқини ейтти.

Әрк телевизийиси түркийәдә қануний әнгә алдурулған уйғурчә телевизийә органлириниң биридур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.