سابىق مىللىي ئارمىيە مايورى: مەن 5 يىل مىللىي ئارمىيە باش قوماندانلىرى بىلەن بىرگە ئىشلىگەن ئىدىم

مۇخبىرىمىز ئۈمىدۋار
2015-03-05
Share
Xemit-Kenjibayef-xemit-kenji.jpg سابىق مىللىي ئارمىيە مايورى خەمىت كەنجىبايەف.
RFA

ھازىر قىرغىزىستاننىڭ بىشكەك شەھىرىدە ياشاۋاتقان 93 ياشلىق خەمىت كەنجىبايېف ئەپەندى 1944-1949-يىللىرىدىكى مىللىي ئازادلىق ئىنقىلابىنىڭ قاتناشقۇچىسى ۋە مىللىي ئارمىيىنىڭ قابىل ئوفىتسېرلىرىدىن بىرى ئىدى. ئۇ، ئۆزىنىڭ مىللىي ئارمىيە باش قوماندانلىق شتابىدا ئىشلەش جەريانىدا كۆرگەنلىرىنى ئەسلەپ ئۆتتى.

مايور خەمىت كەنجىبايېف 5 يىل باش شتابتا ئىشلەش جەريانىدا مىللىي ئارمىيىنىڭ ئالىي قوماندانلىرى بىلەن بىرگە ئىشلەپ،ئۇلارنىڭ ئىش-ئىزلىرىغا شاھىت بولغان ئىدى.

1942-يىلى غۇلجادىكى رۇس ئوتتۇرا مەكتىپىنى پۈتتۈرگەن خەمىت كەنجىبايېف بىر مەزگىل ئوقۇتقۇچىلىق قىلىش جەريانىدا 1944-يىلى ئىنقىلاب پارتلىغاندا قوزغىلاڭغا قاتناشتى. ئەمما رۇس تىلىنى ياخشى بىلگەنلىكى ئۈچۈن باش قوماندانلىق شتابىدا بۆلۈم باشلىقى بولۇپ ئىشلىدى ھەمدە بۇ جەرياندا سوۋېت ئىتتىپاقى ئەۋەتكەن ھەربىي مەسلىھەتچىلەر بىلەن بىۋاسىتە ئالاقىلەردە بولدى. ئۇ، بۈگۈنكى سۆھبىتىمىزدە باش قوماندانلىق شتابىنىڭ يۇقىرى دەرىجىلىك قوماندانلىرى ۋە مەسلىھەتچىلەرنىڭ ئەھۋالى ھەققىدە مەلۇمات بەردى.

تەپسىلاتىنى ئاۋاز ئۇلىنىشىدىن ئاڭلىغايسىلەر.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت