Уйғур пәрзәнти муҗаһит қәшқәрли түрк дуняси пән-техника вә лайиһәләш мусабиқисидә яхши баһаға еришти

Ихтиярий мухбиримиз әркин тарим
2016.12.27
pen-texnika-layihilesh-musabiqisi-mujahit.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә пүтүн күн аптап чүшидиған айлинидиған өй проҗекти тоғрисида мәлумат бәрмәктә. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-1.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә дадиси миркамил қәшқәрли әпәнди билән. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-2.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-3.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-4.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә пүтүн күн аптап чүшидиған айлинидиған өй проҗекти тоғрисида мәлумат бәрмәктә. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-5.jpg

Уйғур пәрзәнти муҗаһит қәшқәрли түрк дуняси пән-техника вә лайиһиләш мусабиқисидә. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-6.jpg

Түрк дуняси пән-техника вә лайиһиләш мусабиқисидә сәнәт программиси. 2016-Йили 24-декабир, түркийә. RFA/Erkin Tarim

pen-texnika-layihilesh-musabiqisi-mujahit-7.jpg

Түрк дуняси пән-техника вә лайиһиләш мусабиқиси көргәзмисиниң устидин көрүнүши. 2016-Йили 24-декабир, түркийә. RFA/Erkin Tarim

Түркийәниң шәрқий җәнуби райониға җайлашқан шанлиурфа шәһиридә өткүзүлгән 3-нөвәтлик түрк дуняси пән-техника вә күлтүр фестивалида уйғур пәрзәнти кичик муҗаһит қәшқәрли өзи лайиһәлигән әсирини көрсәтти. 12-Айниң 24- вә 25-күнлири өткүзүлгән паалийәткә түркийәниң 81 вилайити билән 18 дөләттин кәлгән кишиләр елип кәлгән 1200 иҗадийәт лайиһәси ичидә муҗаһит қәшқәрлиниң пүтүн күн аптап чүшидиған, айлинидиған өй проҗекти 100 проҗекитниң қатариға киргән.

Паалийәткә түркийә маарип министири муавини орхан әрдәм, шанлиурфа валиси гүнгөр азим туна әпәнди, парламент әзаси халил өзҗан әпәнди, шәһәрлик һөкүмәт рәһбәрлири вә һәрқайси дөләтләрдин кәлгән яш-өсмүр иҗадкарлар иштирак қилған.

Биз паалийәт һәққидә техиму тәпсилий мәлумат игиләш үчүн паалийәткә иҗадийити билән қатнашқан кичик муҗаһит вә униң дадиси миркамил қәшқәрли әпәнди билән телефон сөһбити елип бардуқ.

Муҗаһит қәшқәрли өзиниң наһайити һаяҗан ичидә икәнликини, чоң болғанда алим болушни арзу қилидиғанлиқини баян қилди.

Миркамил қәшқәрли әпәнди лайиһәләш вә иҗадийәт темисидики 3-нөвәтлик илим-пән вә күлтүр фестивал һәққидә қисқичә мәлумат бәрди вә оғли муҗаһит қәшқәрлиниң пүтүн күн аптап чүшидиған айлинидиған өй проҗекти тоғрисида мәлумат бәрди. Шундақла, алдинқи йүз проҗекитниң қатариға киргән яш-өсмүрләрни әтиязда әзәрбәйҗанға екскурсийәгә апиридиғанлиқини җакарлиғанлиқини ейтти.

Миркамил қәшқәрли әпәнди йәнә, бу паалийәттә кичик муҗаһит пәқәтла өзи лайиһәләп чиққан проҗекитни көрситипла қалмастин, шәрқий түркистан мәсилисиниму аңлатқанлиқини баян қилди.

Йепилиш мурасимида кичик муҗаһит даңлиқ язғучи мәмәт акиф әрсойниң хәлқни үмидсиз болмаслиққа чақирған шеирини декламатсийә қилип, кишиләрниң алқишиға еришкәнликини баян қилди.

Уйғур хәвәр вә тәтқиқат мәркизи мәсули һамит гөктүрк әпәнди муҗаһит қәшқәрлиниң йеши кичикликигә қаримастин түркийәдә уйғурларни наһайити яхши тонутқанлиқини баян қилди.

Бу паалийәтни түркийә маарип министирлиқи, шанлиурфа валилиқи вә түрк дуняси вәқпи бирликтә уюштурған болуп, кичик муҗаһит өткән йили өткүзүлгән мусабиқигә керәксиз әхләтләрдин електр ишләпчиқириш лайиһиси билән алдинқи 10 ниң қатариға кирип, кишиләрниң яхши баһасиға еришкән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.