Qazaqistanda ataqliq yazghuchi we dramatorg shayim shawayéf eslendi

Yéqinda almuta wilayiti Uyghur nahiyisining tügmen yézisida körneklik yazghuchi we dramatorg shayim shawayéfning 75 yilliq tewelludigha béghishlan'ghan xatire yighini ötti.

Yerlik hökümet organliri we tügmen yurt - jama'etchiliki uyushturghan mezkur murasimgha nahiye rehberliri, ziyaliylar, ustazlar, mektep oqughuchiliri, qoshna yurtlardin méhmanlar, ammiwi axbarat wasitiliri wekilliri qatnashti. Yazghuchining ijadiyiti toghriliq doklat oqulghandin kéyin sözge chiqqan qazaqistan yazghuchilar ittipaqi bashqarmisi katipi sultan qali oghli, terjiman qaysar jorabékof, qazaqistan yazghuchilar ittipaqi Uyghur edebiyati kéngishi bashliqi exmetjan hashirof, shundaqla yazghuchi we sha'irlardin awut mesimof, ilaxun jelilof we bashqilar sh. Shawayéfning ijadiy pa'aliyitige munasip bahalirini berdi.

Xatire murasimida yazghuchining ijadiyiti boyiche widé'o matériyallar we körgezme uyushturuldi. Mektep oqughuchiliri teripidin teyyarlan'ghan konsért programmisi körsitildi.

Radi'omiz ziyaritini qobul qilghan e. Hashirof we i. Jeliloflar mezkur xatire murasimi we sh. Shawayéfning ijadiyiti heqqide toxtaldi.