Fantaziye yazghuchisi, ustaz muherrir sultan hashim alemdin ötti

Uyghur neshriyatchiliqigha özining yürek qénini singdürgen, köpligen yaxshi kitablarning tehrirlikini ishligen shundaqla nurghunlighan yash tehrirlerni terbiyilep chiqqan iqtidarliq yazghuchi merhum sultan hashimning wapat boldi.

Uyghur neshriyatchiliqigha özining yürek qénini singdürgen, köpligen yaxshi kitablarning tehrirlikini ishligen shundaqla nurghunlighan yash tehrirlerni terbiyilep chiqqan iqtidarliq yazghuchi merhum sultan hashimning wapati munasiwiti bilen chet'ellerdiki Uyghur ziyaliyliri uning öz xelqige körsetken töhpilirini eslep ötti.

Yazghuchi, Uyghur bügünki dewr edebiyatida ilmiy fantaziye zhaniri boyiche yol achquchi, péshqedem neshriyatchi ustaz muherrir sultan hashim 2014-yili 13-awghust seherde yürek tiqilma késelliki bilen ürümchide 73 yéshida alemdin ötken idi.

Merhum sultan hashim 1941-yili 2-ayning 27-küni ghulja shehiride sodiger a'iliside dunyagha kelgen. 1959-Yilidin 1962-yilghiche Uyghur uniwérsitétining mashinisazliq kespide we sana'et institutida oqughan. 1964-Yildin 1982-yiligha qeder öktebir traktor zawutida inzhénér bolup ishligen. 1982-Yilidin bashlap xelq neshriyati Uyghur tehrir bölümide xizmet qilghan.

Sultan hashim tonulghan yazghuchi bolup, 1979-yili edebiyat sépige qedem qoyghandin tartip taki ömrining axirighiche ijadiyet bilen shughullinip her qaysi metbu'atlarda köpligen eserlerni élan qilghan. Uning "Bazghan", "Yilanliq qoruq", "Yaghach atliq shahzade", "Échilghan niqab", "Axirqi qarar", "Perwane" we "Pa'aliyet öyidiki paranglar" qatarliq roman we hékaye toplamliri neshr qilin'ghan. Uning "Yilanliq qoruq" namliq fantaziyelik esiri özbékistanda özbék tilida neshr qilin'ghan. Uning yene "Buzghunchi", "Qosh tirek" qatarliq eserliri mektep derslikige kirgüzülgen.

Sultan hashim Uyghur edebiyatida tunji bolup fantaziye edebiy ijadiyitini bashlap Uyghur edebiyatidiki bu boshluqni toldurup awan'gartliq rol oynighan. Uning "Sirliq signal" namliq esiri aptonom rayon boyiche edebiy eserlerni bahalashta mukapatqa érishken.

Yazghuchi sultan hashimning ixlasmen oqurmenliridin biri yaponiyediki Uyghur ziyaliysi, doktor aspirant muxtarjan abduraxman ziyaritimizni qobul qilip yazghuchining balilar edebiyatidiki fantaziyilik eserlirining qimmiti we uning ijadiyiti heqqide toxtilip ötti.

Merhum sultan hashim yene, herqaysi metbu'atlarda neshriyatchiliq, balilar terbiyisi we bashqa témilarda 40 parchigha yéqin maqale élan qilghan.

Sultan hashim islam dini tarixigha puxta bolup, bir mezgil Uyghur aptonom rayonluq islam institutida islam tarixidin teklip boyiche ders bergen.

Yazghuchining Uyghur neshriyatchiliqigha qoshqan töhpiliri heqqide toxtalghan muxtarjan abduraxman bu heqte özining qarashlirini bayan qildi.

Doktor aspirant muxtarjan abduraxman yazghuchi, ustaz muherrir sultan hashimning wapatigha özining chongqur qayghurghanliqini bildürüp ötti.

Yuqiriqi awaz ulinishidin tepsilatini anglang.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar