Мутәхәссис нимәтулла рәшиди, йиңнә билән давалаш кәспидә техиму көп уйғурларниң йетишип чиқишини тәвсийә қилиду
2016.11.17

Қуруқ йиңнә билән давалаш - инсандики җан айлинишни хилит, миҗәз вә қуввәткә қарап тәһлил қилип, пәллигә йиңнә санҗиш арқилиқ давалаш елип баридиған, қол әмәлийити техникиси.
Клиникилиқ давалашта у бимарларға әкс тәсири йоқ, тәннәрхи әрзан, тез үнүм беридиған йәңгил усул болғачқа, давалаш вә сағламлиқ ишлирида хәлқарада барғанчә ишәнч вә алқишқа еришмәктә. 70-Йиллардин башлапла бу кәсипкә киришип бу түрдә көзгә көрүнәрлик нәтиҗә яратқан уйғур мутәхәссис нимәтулла рәшиди әпәнди дуня йиңнә билән давалаш җәмийәтлири федератсийониниң һәйәт әзаси, инавәткә игә мутәхәссислириниң бири санилиду.
Дуняда йиңнә билән давалашниң хитай җуңйичә давалашниң бир түри дәп қараватқан бир пәйттә, доктор нимәтулла әпәнди болса йиңнә билән давалаш техникисиниң әң балдур уйғурларда башлиғанлиқи һәққидә тәтқиқат елип бармақта вә йәнә уйғур тебабәтчиликидә йиңнә билән давалашниң илмий нәзәрийиви асаслириниң уйғур тилида қелиплишиши вә мукәммәллишишигиму тегишлик төһпә қошмақта.
У йеқинда, японийәдә чақирилған хәлқара йиңнә билән давалаш илмий җәмийәтлири федератсийониниң хәлқаралиқ муһакимә йиғинидиму бу саһәдики тәтқиқат темисини сунған. Бу мунасивәт билән мухбиримиз гүлчеһрә нимәтулла рәшиди әпәндини зиярәт қилди. Уларниң сөһбитигә иштирак қилғайсиләр.