بىشكەكتە بىر ئايروپىلان چۈشۈپ كەتتى

قىرغىزىستاننىڭ خۇسۇسىيلار ئىگىدارچىلىقىدىكى "ئىتەك يەر" ھاۋا يوللىرى شىركىتىنىڭ "بويىڭ - 737" ماركىلىق بىر يولۇچىلار ئايروپىلانى يەكشەنبە كۈنى بىشكەكتىكى ماناس ئايرودرومىدىن كۆتۈرۈلۈپ، بەش كىلومېتىر يېقىن يەرگە چۈشۈپ كەتكەن ھەمدە 100 دىن ئارتۇق يولۇچىنىڭ ئىچىدە 25 ئادەم ساق قالغان.
مۇخبىرىمىز ئۈمىدۋار خەۋىرى
2008.08.24

 ئىنتېرفاكىس ئاگېنتلىقىنىڭ قىرغىزىستان مەنبەلىرىدىن نەقىل كەلتۈرۈشىچە، ئايروپىلان بىشكەكتىن ئىراننىڭ مەشھەد شەھىرىگە قاراپ ئۇچقان بولۇپ، ئايروپىلان كۆتۈرۈلۈپ، ئۇزۇن ئۆتمەيلا تېخنىكا سەۋەبىدىن قايتىش تەلەپ قىلىنغان ھەم قايتىۋېتىپ، ماناس ئايرودرومىغا يېقىن جانىجەر دېگەن يەرگە چۈشۈپ كەتكەن.

قىرغىزىستان جىددىي ئىشلار مىنىستىرى قامچىبېك تاشىيېۋ ئايروپىلاندا 123 ئادەم بارلىقىنى بىلدۈرگەن. قىرغىزىستان ئۇچۇر ئاگېنتلىقلىرى جىددىي قۇتقۇزۇش ئىشلىرى ئېلىپ بېرىلغانلىقى ھەمدە قۇتۇلدۇرۇلغان يارىدارلارنىڭ بىشكەكتىكى دوختۇرخانىلارغا ئېلىپ كېلىنگەنلىكىنى خەۋەر قىلىشقان.

بىراق، بۇ ۋەقەگە زادى قانداق سەۋەب بولغانلىقى تېخى ئېنىقلانمىغان بولۇپ، ماناس ئايرودرومىدا تۇرىدىغان ئامېرىكىنىڭ ھەربىي بازىسىمۇ ھەقىقەتەن ئايروپىلان چۈشۈپ كېتىش ۋەقەسى بولغانلىقىنى بىلدۈرگەن. ھازىر بۇ ۋەقەدە 90 دىن ئارتۇق ئادەمنىڭ ئۆلگەنلىكى ھەققىدە ئۇچۇر تارقالغان.


ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
ئوتتۇرا ئاسىيا خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.