Kabulda pahishixana achqan xitay ayal 11 yilliq qamaq jazasigha höküm qilindi

Xitay kündilik gézitining xewer qilishiche, jüme küni chungching sheherlik sot mehkimisi, afghanistanning paytexti kabul shehiride bir nechche pahishixana achqan bir xitay ayalni 11‏ yilliq qamaq jazasigha höküm qilghan.
Muxbirimiz ömer qanat xewiri
2008-06-28
Share

 Xewerde éytilishiche, shangxeydin wang min kabulda réstoran we kaféxana nami astida pahishixana échish we xitayning chungching shehiridin 40 yashtin ashqan ishsiz ayallarni afghanistan'gha élip kélip pahishe qilip ishlitish bilen eyiblen'gen.

Wang minning bir yardemchisi bolsa, 6 yilliq qamaq jazasigha höküm qilin'ghan. Kabul shehiride türk réstoranni bérlin réstorani qatarliq namlar astida pahishxana achqan wang min ötken yili öktebir éyida afghan hökümet da'iriliri teripidin tutulup xitay hökümitige tapshurup bérilgen idi.

Xewerlerge qarighanda, hélimu kabulda nurghunlighan xitay pahishiler mewjut bolup, roytéris agéntliqining xewer qilishiche ötken ay kabuldiki bezi xitay pahishiler mezkur agéntliqining muxbirigha kirimlirining yaxshi ikenlikini emma bixeterlik sewebidin anchila öydin tashqiri chiqalmaydighanliqini bildürgen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet