Qirghizistan nyuyork shehiride konsul ponkiti achmaqchi

Qirghizistan tashqi ishlar ministiri ednan qarabayéw bilen amérika tashqi ishlar ministirining ottura asiya ishliri boyiche yardemchisining mu'awini jorj krol bilen 20 - iyun küni körüshüp, mexsus qirghizistan - amérika munasiwetliri, bolupmu amérika bilen qirghizistan arisidiki wiza tüzümi mesililiride muzakire élip barghan.
Muxbirimiz ümidwar xewiri
2008.06.22

 Qirghizistanning "akiprés" agéntliqining xewer bérishiche, qirghizistan tashqi ishlar ministiri amérikining qirghizistan puqralirigha wiza bérishide kengchilik qilishini hemde qirghizistanning nyuyork shehiride bir konsulxana ponkiti qurushni ümid qilidighanliqini bildürgen. Chünki, hazir téximu köp qirghizistan puqraliri amérikigha kélip oqush, sayahet qilish hem ishleshke qiziqidiken.

Hazir qirghizistanning amérika we kanada turushluq bash elchixanisi washin'gton shehiride bolup, bu yerdiki elchi ikki dölet ishlirigha mes'uldur. Emma, nyuyork we bashqa sheherlerde tarmaq konsulxaniliri yoq, biraq yéqinqi yillardin buyan amérikigha kélip - kétiwatqan qirghizistanliqlarning sanining üzlüksiz türde köpiyishi bilen mundaq éhtiyaj peyda bolghan.

Xewerde körsitilishiche, afghanistan mesilisini öz ichige alghan bixeterlik mesililiride ikki döletning hemkarliqimu muzakire qilin'ghan.

Nöwette, amérikining manas ayrodromidiki herbiy bazisi dawamliq mewjut bolup, qirghizistan terep bu bazining afghanistandiki weziyet muqimlashqan'gha qeder turushigha qoshulghan. Biraq, shangxey guruhi bolsa, amérikining ottura asiyadiki bazilirining chiqip kétishini ümid qilidighanliqi melum.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.