Шаңхәй һәмкарлиқ тәшкилатиниң мудапиә министирлири йиғини ечилди

 
"Асия плус" дәп аталған оттура асия агентлиқиниң хәвиридә ейтилишичә, министирлар йиғинда шаңхәй һәмкарлиқ тәшкилатиниң өзара мунасивәтлирини кеңәйтиш вә өзара мунасивәтлирини чоңқурлаштуруш һәққидә бир йеңи келишим имзалиған болуп, улар буниңдин кейинки, бихәтәрлик саһәсидики һәмкарлиқларни күчәйтиш һәққидә пикир алмаштурған шуниңдәк әза дөләтләрниң һәрбий - бихәтәрлик саһәсидики һәмкарлиқлирини күчәйтишниң районниң муқимлиқини тәминләштә муһим рол ойнайдиғанлиқини тәкитләшкән.

Әмма, йиғинға қатнашқан русийә муавин мудапиә министири александир калмиков болса, шаңхәй һәмкарлиқиниң бир һәрбий - сиясий иттипақ әмәслики һәм бундақ болушқиму интилмәйдиғанлиқини әскәртип өткән.

Қирғизистан "қабар" агентлиқиниң хәвәр қилишичә, бу күнләрдә йәнә қирғизистан парламентиниң вәкили шаңхәй һәмкарлиқиға аза мәмликәтләрниң парламентлар бирләшмисини қурушни тәшәббус қилған вә бу күнләрдә хитай парламент вәкиллири бишкәкни зиярәт қилған.