ھامىد كارزاي سۇيىقەستكە ئۇچرىدى

4 - ئاينىڭ 27 - كۈنى ئافغانىستان پايتەختى كابۇل شەھىرىدە دۆلەت بايرىمىنى خاتىرىلەش يۈزىسىدىن ئۆتكۈزۈلگەن پاراتنى كۆزىتىۋاتقان پرېزىدېنت ھامىت كارزاي تۇيۇقسىز زەربىگە دۇچ كەلگەن بولۇپ، ئۇنىڭ يېنىدىكى ئىككى نەپەر پارلامېنت ئەزاسىنى ئۆز ئىچىگە ئالغا توققۇز ئادەمنىڭ يارىلانغانلىقى ۋە بىر ئادەمنىڭ ئۆلگەنلىكى خەۋەر قىلىندى.
مۇخبىرىمىز ئۈمىدۋار خەۋىرى
2008-04-27
Share

 ب ب س نىڭ خەۋىرىگە قارىغاندا، بىخەتەرلىك خادىملىرى كارزاي ۋە باشقا ئەربابلارنى دەرھال مەيداندىن ئېلىپ چىقىپ كەتكەن ھەمدە ھۇجۇمچىلارنى نەق مەيداندا قورشىۋېلىپ يوقاتقان، بەزىلىرىنى قولغا ئالغان.

 بۇ دەل ئافغانىستان دۆلەت ناخشىسى ياڭراپ، بايراق چىقىرىلغان پەيت بولۇپ، رەئىس سەھنىسىدە پارلامېنت ۋە ھۆكۈمەت رەھبەرلىرى، ھەر قايسى ئەل ئەلچىلىرى ھەم ھەربىي قوماندانلار جايلاشقان. ئۇلارنىڭ ئىچىدە ئامېرىكا ۋە ئەنگلىيىنىڭ ئەلچىسى شۇنىڭدەك شىمالىي ئاتلانتىك ئوكيان ئەھدى تەشكىلاتىنىڭ ئافغانىستاندا تۇرۇشلۇق قىسىملىرىنىڭ قوماندانى قاتارلىق شەخسلەرمۇ بار ئىكەن.

ۋەقە يۈز بەرگەندىن كېيىن پارات بىكار قىلىنغان بولۇپ، مەيدان قامال قىلىنغان. شۇ كۈنى ھامىت كارزاي تېلېۋىزىيە نۇتقى سۆزلەپ، ۋەزىيەتنىڭ كونترول قىلىنغانلىقىنى بىلدۈرگەن. تالىبان قالدۇق قوراللىق قوشۇنلىرىنىڭ باياناتچىسى بۇ قېتىمقى ھامىد كارزايغا قارىتىلغان ھۇجۇمنى ئۆزلىرى ئۇيۇشتۇرغانلىقى، ئالتە ئادەمنى بۇ ۋەزىپىنى ئورۇنداشقا ئەۋەتكەنلىكىنى ئېلان قىلغان.
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت