ئوتتۇرا ئاسىيا تەبىئىي گاز تۇرۇبا قۇرۇلۇشى خىتايغا يىلىغا 30 مىليارد كۇب مېتىر تەبىئىي گاز يەتكۈزۈدۇ

خىتاي ئۇزۇندىن بۇيان پىلان قىلىۋاتقان ئوتتۇرا ئاسىيا تەبىئىي گاز تۇرۇبا قۇرۇلۇشى ئۆزبېكىستاننىڭ بۇخارا شەھىرىدە باشلانغان بولۇپ، كومتەكس خەۋەرلەر تورىدا خىتاي دۆلەتلىك نېفىت - تەبىئىي گاز ھەسسىدارلىق گۇرۇھى ئېلان قىلغان خەۋەرلەردىن نەقىل ئېلىپ كۆرسىتىشىچە، قۇرۇلۇش باشلانغان كۈنى خىتاي دۆلەت ئىگىدارچىلىقىدىكى نېفىت گۇرۇھى ئۆزبېكىستاننىڭ پەرغانە ۋادىسىدىكى نېفىت ئىشلەپچىقىرىش نىسبىتىنى ئىلگىرى سۈرۈش خۇسۇسىدا ئۆزبېك نېفىت گاز شىركىتى بىلەن توختام تۈزگەن.
مۇخبىرىمىز جۈمە خەۋىرى
2008.07.07

 مەزكۇر تۇرۇبا لىنىيىسىنىڭ ئومۇمىي ئۇزۇنلۇق 1818 كىلومېتىر بولۇپ، خەۋەردە كۆرسىتىلىشىچە، ئوتتۇرا ئاسىيا تەبىئىي گاز تۇرۇبا لىنىيىسى، تۈركمەنىستان چېگرىسىدىن باشلىنىپ ئۆزبېكىستان ۋە جەنۇبى قازاقىستاندىن كېسىپ ئۆتۈپ، ئۇيغۇر ئېلىنىڭ قورغاس رايونىغا تۇتاشتۇرىلىدىكەن.

مەزكۇر تۇرۇبا لېنىيىسىگە ئىشلىتىلىدىغان گاز تۇرۇبىلىرى قېلىن پولاتتىن قوش لىنىيىلىك قىلىپ ياسىلىدىغان بولۇپ، ياساش قۇرۇلۇشىغا خىتاي نېفىت - تەبىئىي گاز ھەسسىدارلىق گۇرۇھى، ئۆزبېك نېفىت گاز شىركىتى ۋە قازاقىستان دۆلەتلىك نېفىت ۋە تەبىئىي گاز شىركىتى ئورتاق كۈچ چىقىرىدىكەن.

خەۋەردە ئاشكارىلىنىشىچە، ئوتتۇرا ئاسىيا تەبىئىي گاز تۇرۇبا لىنىيىسى بىرىنچى قۇرۇلۇشى 2009 - يىلى، ئىككىنچى قۇرۇلۇشى 2010 - يىلى تاماملىنىپ ئىشقا كىرىشتۈرۈلىدىكەن.

مەلۇم بولۇشىچە، مەزكۇر تۇرۇبا لىنىيىسى خىتاي 2004 - يىلى تاماملىغان ئۇيغۇر ئىلىدىن باشلىنىدىغان غەربنىڭ گازىنى شەرققە يۆتكەش تۇرۇبا لىنىيىسى قۇرۇلۇشىنىڭ بىر قىسمى بولۇپ، بۇ ئىككى تۇرۇبا لىنىيىسى بىلەن خىتايغا يىلىغا 30 مىليارد كۇب مېتىر تەبىئىي گاز يەتكۈزىلىدىكەن.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
ئوتتۇرا ئاسىيا خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.