Xitay özbékistan'gha su turubisi yasap béridu

Xitay bilen özbékistan arisidiki kélishimge bina'en xitayning döletlik ximiyilik qurulush shirketler guruhi özbékistanning perghane we enjan wilayetliri arisida chong kölemlik su turubisi yasash qurulushi zimmisige alghan.
Muxbirimiz ümidwar xewiri
2008-06-29
Élxet
Pikir
Share
Print

 Perghane agéntliqining bu heqtiki uchurida éytilishiche, özbékistan uyushturghan mezkur qurulushni zimmisige élishni talishishta xitay uni qolgha keltürgen bolup, özbékistan döletlik iqtisadiy pa'aliyet bankisi mezkur qurulushning iqtisadi chiqimini tölesh, biraq xitayning melum bir döletlik bankisi teripidin qaytidin bahalinip, xitay terep 20 yilliq möhlet bilen 44 milyon dollar zayom bérip turush belgilen'gen.

 Mezkur su turubisi pilani özbékistan hökümitining enjan, marghilan qatarliq wilayetlirini su bilen teminlesh pilanining bir qisimidin ibaret bolup, nöwette, su qisliqi merkiziy asiya jümlidin özbékistan, qazaqistan, türkmenistan qatarliqlarning muhim témisi bolup qalghan.

Özbékistanni késidighan amu we sir deryasining sulirimu azlashqa, köpligen jaylar qurushqa yüzlen'gen, ene shu sewebtin merkiziy asiya döletliri birlikte su mesilisini hel qilish muzakiriliri élip barmaqta. Perghane wadisi bolsa, ottura asiyadiki ahale eng zich jaylar bolup hésablinidu.

Xitay bilen özbékistan gaz turubisi yatquzup, özbékistan gazini xitaygha toshush kélishimimu hasil qilghan.
Toluq bet