Yaponiye özbékistanning uranlirigha érishmekchi

 Yaponiye qirghizistan, qazaqistan, özbékistan bilen gé'ologiyilik tekshürüsh we yer asti bayliqlirini izdesh hem qézish ishliridimu hemkarlishish qedemlirini basqan bolup, yaponiyining bu döletlerdiki orunlargha qiziqiwatqanliqi melum. Perghane agéntliqining rusiyining uchur agéntliqliridin neqil élip xewer qilishiche, yaponiyining Mitsui. we CO, LTDShirkiti özbékistanning döletlik gé'ologiye we yer asti bayliqliri komitéti bilen kélishim tüzüp, birlikte shirket qurup, özbékistanda uran kanlirini izdesh hem qézish élip barmaqchi bolghan.

Bundaq uran izdesh teklipi yaponiye tereptin 2007 - yili otturigha qoyulghan idi. Eger ikki terep birlikte uran qézishni ishqa ashursa, érishilgen uranlarni atom éléktir istansiliri qurush üchün sétish we ishlitish meqsetlirige yétidiken.

Ottura asiyaning uran zapasliri mol bolup, nöwette, rusiye, xitay we bashqa döletler ottura asiya memliketliri bilen uran sahesi boyiche soda we qézish kélishimliri tüzgen idi. Uran yadro qoralliri üchün ishlitidighan qimmetlik radi'aktip madda hésablinidu.