تۈركىيە ھاۋا ئارمىيىسى كۇردلارغا قارشى يەنە ھۇجۇم قوزغىدى

تۈركىيە ھەربىي تەرەپ تۈركىيە ھاۋا ئارمىيىسىنىڭ يەكشەنبە كۈنى ئىراقنىڭ شىمالىدىكى كۇردلارنىڭ قوراللىق گۇرۇپپىلىرى جايلاشقان نۇقتىلارغا ھۇجۇم قوزغىغانلىقى، ھۇجۇمچى ئايروپىلانلارنى ھەمدە ئېغىر توپلارنى ئىشقا سېلىپ، پ ك ك ئۇنسۇرلىرىنى بومباردىمان قىلغانلىقىنى ئاشكارىلىغان.
مۇخبىرىمىز ئۈمىدۋار خەۋىرى
2008-05-11
Share

 تۈركىيە ۋە غەرب مەتبۇئاتلىرىنىڭ خەۋەر قىلىشىچە، پكك دەپ ئاتالغان كۇرد ئىشچىلار پارتىيىسىنىڭ بىر قىسىم تېررورچى ئۇنسۇرلىرى ئىراق تەۋەسىدىن يوشۇرۇنچە تۈركىيە تەرەپتىكى ھاككالى ئۆلكىسى تەۋەسىگە كىرىپ، تۈرك ھەربىي ئەترەتلىرىگە تۇيۇقسىز ھۇجۇم قوزغىغان ھەمدە ئىككى نەپەر تۈركىيە ھەربىي خادىمى ئۆلتۈرگەن. تۈركىيە ھاۋا ئارمىيىسى ئۇلارنىڭ ئىستىھكاملىرىنى بومباردىمان قىلغان.

بۇنىڭدىن بىر قانچە ئاي ئىلگىرى تۈركىيە ئارمىيىسى ئىراق تەۋەسىگە كىرىپ، كۇرد قوشۇنلىرىنى ئومۇمىي يۈزلۈك زەربىگە ئۇچراتقان بولسىمۇ، لېكىن پكك يوشۇرۇن گۇرۇپپىلىرىنىڭ قارشىلىقلىرى توختىمىغان. شەنبە كۈنى تۈركىيە ھاۋا ئارمىيىسىنىڭ ھۇجۇملىرى نەتىجىسىدە 19 نەپەر پكك تېررورچىسى ئۆلتۈرۈلگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت