Kent sékrétari: kentimizde éghizgha alghudek chong ish yoq, emma her ikki a'ilidin bir kishi qamaqta

Muxbirimiz shöhret hoshur
2017-09-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Uyghur élidiki xitay qoralliq küchlirining uyghur qarshilashquchilarni tutqun qiliwatqan körünüshi.
Uyghur élidiki xitay qoralliq küchlirining uyghur qarshilashquchilarni tutqun qiliwatqan körünüshi.
Social Media

Uyghur rayonida 2014-yili iyunda bashlan'ghan qattiq zerbe bérish herikitidin kéyinki keng-kölemlik tutqunda, qanliq weqe chiqqan jaylarda her 3 yaki 4 a'ilige birdin mehbus toghra kelgenliki ashkarilan'ghan idi.

Uyghur rayonida qattiq zerbe bérish namidiki siyasiy tutqun heriketliri 10 nechche yillardin béri dawam qiliwatqan bolsimu, bu zerbining kölimi we salmiqida 2014-yili 22-may küni ürümchide yüz bergen etigenlik bazargha hujum qilish weqesidin kéyinki dolqunda nechche hesse éshish boldi. Mesilen aqsu aykölning peyshenbe bazar kentide her 3 a'ilidin bir kishi tutulghan bolsa, guma nahiyisining köktérek baza töwen qumköl kentide her 4 a'ilidin bir kishi tutqun bolghan.

Eng yéqinqi éniqlishimiz dawamida bu xil keng kölemlik tutqunning héchqandaq weqe chiqmighan yéza-bazar we kentlerdimu yüz bergenliki ashkarilandi. Mana bulardin biri xoten sheher ichige qarashliq shorbagh yézisining gazon kenti. Gazon kentide 2219 nopus, 419 a'ile bar bolup bulardin nöwette nöwette 149 kishi türmide, 56 kishi qamaqta yatmaqta.

Melum bolushiche, bu yézida yéqinqi 10 nechche yil ichide birer qétimmu qarshiliq heriketliri yüz bergen emes. Shundaqtimu qanunsiz diniy pa'aliyet bilen shughullinish bilen eyiblinip, bezi a'ililerdin 4-5 kishi, bezi a'ililerdin er-ayal tutqun qilin'ghan. Bu kenttin yéqinqi 3 yil ichide késilgen 149 kishining yuqirisi 17 yilliq, töwini 3 yilliq türmige tashlan'ghan. Nöwette yene 56 kishi, terbiyilesh merkizi namidiki shekli özgergen qamaqxanida telim almaqta. Bularning qachan qoyup bérilidighanliqi hazirche melum emes.

Asasliqi "qanunsiz diniy pa'aliyet" bilen shughullandi, dep eyiblen'gen bu kishilerning köp qismining 2015- we 2016-yilliri tarawi namizigha qatnashqanlar ikenliki melum.

Toluq bet