Гумандарларни қоғлап тутушқа қатнашқан бир аһалә: қисмитимиз шу гумандарлардин пәрқлиқ болмиди

Мухбиримиз шөһрәт һошур
2017.10.10
charlash-xelq-seperwer-2.JPG Бай көмүркан һуҗумчилирини қоршап тутуш опиратсийәсигә сәпәрвәр қилинған хәлқ аммиси.
Social Media

Мухбиримизниң қарақаш пурчақчидики сақчи вә аһалиләргә қарита елип барған телефон зиярәтлири давамида пурчақчи йезисидин йепиқ тәрбийиләш мәркизигә әвәтилгән 4000 чә кишиниң көпинчисиниң өткән йили хитай қораллиқ күчлири пурчақчида елип барған аталмиш террорчиларни из-қоғлап зәрбә бериш оператсийәсидә вәзипә өтигәнләр икәнлики ашкариланди. Шу қетимқи оператсийәдә өзи вә үч оғлиниң 13 күн калтәк тутуп вәзипә өтигәнликини мәлум қилған бир партийә әзаси, бу йилқи тутқунда, аһалиләрниң шу қетимлиқ хизмитиниң қилчиму етибарға елинмиғанлиқини баян қилди.

2014-Йили хотәнниң пурчақчи йезисида бирқанчә қетим хитай һакимийитиниң зораванлиқиға қарита қаршилиқ һәрикәтлири йүзбәргән. Хитай қораллиқ күчлири вәқәни бесиқтурушта, йәрлик хәлқни сәпниң алдиға иттәргән. Хитай мәркизи телевизийәсиниң 2014-йили 8-айниң 1-күни бәргән бир хәвиридә дейилишичә, мәзкур оператсийә давамида хитай қораллиқ күчлири гумандарларни аяқ қудуқла кәнтидә қоршавға елип, улардин 9 нәпирини нәқ мәйданда етивәткән, бир нәпирини әсир алған. Мәзкур хәвәрдә дейилишичә, хитай тәрәп бу гумандарларниң оринини байқашта йәрлик амма тәминлигән 70 нәччә учурдин пайдиланған; из қоғлаш вә қоршаш һәрикитигә 30 миң кишилик амма иштирак қилған.

Бу қетим әнә шу қанлиқ вәқә йүз бәргән пурчақчи йезисиға қарита елип барған телефон зиярәтлиримиз давамида, хитайниң әнә шу из-қоғлап зәрбә бериш һәрикитидә хитай тәрәптә турғузулуп рол алдурулған, пурчақчидики аһалиләрниң, бу йилқи тутқун вә қайта тәрбийәләштә худди өзлири изини қоғлиған гумандарларға охшашла хитай даирилириниң назарәт вә зәрбә обйектиға айланған.

Пурчақчидики мәзкур қанлиқ вәқә һәққидә 2014-йили радиомиз игилигән учурлардин мәлум болушичә, абдурахман абдукерим башчилиқидики бир түркүм яшлар, рамизан мәзгилидә өй тәкшүрүп кирип зораванлиқ қилған хитай сақчиларға вә уларниң йәрликтики янтаяқлириға қаршилиқ көрсәткән вә бәзиләргә әҗәллик зәрбә бәргән иди. Бүгүн ашкарилинишичә әнә шу қетимлиқ қаршилиқ һәрикитидә зәрбә йегән, әмма аман қалған кәнт секретари һелиһәм, аяқ пурчақчи кәнтидә секретарлиқ вәзиписини өтимәктә.

Юқирида пурчақчи йезисида гумандарларни қоғлап тутуш рол алған аһалиләрниң әмдиликтә, әнә шу гумандарларға охшашла хитай даирилириниң зәрбә нишаниға айланғанлиқи һәққидә аңлитиш бәрдуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.