Америкида 11-сентәбир вәқәсиниң 10 йиллиқи хатириләнди

Бүгүн, 11-сентәбир күни, 2001-йили 9-айниң 11-күни йүзбәргән нийорктики дуня сода бинаси вә пайтәхт вашингтондики дөләт мудапиә министирлиқиниң бинасиға айропиланни соқуш арқилиқ пәйда қилинған террорлуқ вәқәсиниң 10 йиллиқ хатирә күни.
Мухбиримиз үмидвар
2011-09-11
Share

11-Сентәбир вәқәсиниң 10 йиллиқи мурасим паалийити нийорк шәһиридә өткүзүлгән болуп, бу мурасимға америка президенти барак обама вә рәпиқиси, сабиқ президент җорҗи һәм башқа дөләт рәһбәрлири қатнашқан.

11-Сентәбирни хатириләш паалийити әйни вақитта һуҗумға учриған җайларниң һәммисидә өткүзүлгән болуп, президент обама вә башқилар нийорк шәһиридики һуҗумға учрап, вәйран қилинған дуня сода бинасиниң орниға селинған хатирә нуқтисиға берип, 11-сентәбирдә һаятидин айрилған 3000 ға йеқин бигунаһ кишиләргә тәзийә билдүргән. У хатирә тахтисидики исимләрни силап, өз қайғусини ипадилигән.

Америка авазиниң хәвәр қилишичә, 11-сентәбир вәқәсидә қаза қилғанлар 90 дөләткә мәнсуп болуп, бу мунасивәт билән дуняниң бир хели көп җайлирида 11-сентәбир вәқәси хатириләнгән. Ватикан попи бенедикт 11-сентәбир қурбанлири үчүн тәзийә билдүргән болуп, у сөзидә инсанларни зораванлиқларни рәт қилишқа чақирған.

11-Сентәбир күнидики террорлуқ һуҗуминиң қурбанлири қатарида өзбекистандин кәлгән 24 яшлиқ уйғур қизи гөһәр сейит муһәммәдму бар иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт