'5 - Июл вәқәси' дин кейин уйғурлар чәтәлләргә қачмақта

Бирләшмә агентлиқи бүгүн "5 - июл вәқәси" дин кейин әң аз дегәндә 300 гә йеқин уйғурниң чәтәлләргә қечип чиққанлиқини хәвәр қилди.
Мухбиримиз ирадә
2010-06-21
Share

Хәвәрдә билдүрүлүшичә, "5 - июл үрүмчи вәқәси" дин кейин һаятий хәвпкә учриған бир қисим уйғурлар хитайдики қара қол гуруһлириға нәччә он миң доллар пул төләш арқилиқ паспорт вә виза һәл қилип, чәтәлләргә қечишқа мәҗбур болған. Йәнә бир қисим уйғурлар оттура асиядики қошна әлләргә қечип чиққан.

Бирләшмә агентлиқи мухбири йеқинда голландийигә қечип чиққан вәли вә патигүл исимлик икки уйғур билән сөһбәт өткүзгән. У, бу уйғурларниң хитай өлкилиридә нәччә ай йошурунуп йүрүп, хитай адәм әткәсчилиригә пул бериш арқилиқ голландийигә кәлгәнликини билдүргән вә бу икки уйғурниң зиярәт җәрянида ата - аниси вә уруқ - туғқанлириниң бихәтәрликини көздә тутуп һәқиқий исмини ашкарилимиғанлиқини әскәрткән.

Хәвәрдә билдүрүлүшичә, мухбир голландийигә қечип кәлгән вә өзини патигүл дәп тонуштурған қизниң үрүмчидики аилиси билән телефонда зиярәт елип барған. Патигүлниң аписи мухбирға оғлиниң йоқап кәткәнликини, уни хитай сақчилириниң тутуп кәткәнликини ейтип бәргән вә голландийә һөкүмитиниң қизи патигүлни қоғдап қелишини тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт