Хәлқара кәчүрүм тәшкилати үрүмчи '5 - июл вәқәси' үстидин мустәқил тәкшүрүш елип беришни тәләп қилди

Хәлқара кәчүрүм тәшкилати җүмә күни үрүмчи "5 - июл вәқәси" ниң бир йиллиқи һарписида тәкшүрүш доклати елан қилип, хитай һөкүмитиниң мәзкур вәқә тоғрисида елан қилған хәвәрлириниң гуманлиқ икәнликини билдүрди.
Мухбиримиз әркин
2010.07.02
Share on WhatsApp
Share on WhatsApp

Хәлқара кәчүрүм тәшкилати мәзкур доклатта "5 - июл вәқәси"дин кейин чәтәлгә қечип чиққан гуваһчиларниң гуваһлиқ сөзлиригә орун бәргән.  Доклатта көрситилишичә, бәзи гуваһчилар хитай даирилириниң 5‏ - июл күни вә кейинки бастурушта уйғурларни қораллиқ бастурғанлиқини, қолға елинғанларниң тән җазаси вә дәпсәндичиликигә учриғанлиқини илгири сүргән.

Хәлқара кәчүрүм тәшкилатиниң асия - тинч окян райониға мәсул бир хадиминиң әскәртишичә, "һөкүмәтниң чүшәндүрүшидә җаваб берилмигән нурғун мәсилә бар болуп, җәмий қанчилик адәм өлди? уларни кимләр өлтүрди? вәқәниң җәряни қандақ болди вә немә үчүн? дегән соалларға җаваб бериш керәк.

Хәлқара кәчүрүм тәшкилати доклатта бир уйғур яшниң гуваһлиқ сөзигә орун берип, бу уйғурниң 7‏ - айниң 5 ‏- күни кәч саәт 8:30 әтрапида хитай һәрбий қисимлириниң қечип кетип барған бир топ уйғурларни кәйнидин қоғлап йүрүп оққа тутқанлиқини вә 3 кишиниң кәйнидин оқ тегип өлгәнликини өз көзи билән көргәнликини илгири сүргән.  

Хәлқара кәчүрүм тәшкилати хитайниң "шинҗаң"ға мәбләғ селиш арқилиқ мәсилини һәл қилмақчи болуватқанлиқини, лекин вәқә үстидин кишиләрни қайил қиларлиқ мустәқил тәкшүрүш елип бармай туруп, наразилиқ вә ишәнмәсликниң давамлишидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.